Nơm Nti 5:6 - Nau Brah Ndu Ngơi 2023

⁶ Lơi ăn trôm mbung may ƀư ăn may tih, jêh ri lơi ngơi tanăp nơm mbơh Brah Ndu pô aơ: “Nây jêng vĭ.” Mâm may ƀư ăn Brah Ndu ji nuih yor nau ngơi may, jêh ri Păng ƀư rai kan ti may?

Nơm Nti 5:6 Iomraidhean Croise

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

Nau Hôr 23:17

Nuih n'hâm may lơi keh nach đah phung tih, Ƀiălah ăp nar klach yơk hom ma Brah Yêhôva.

Nơm Nti 10:12

Bâr mbung bunuyh blau mĭn ngơi luh nau bu yô̆, Ƀiălah nơm rluk ƀư rai păng nơm.

Nơm Nti 3:14

Gâp saơ pô aơ lĕ kan Brah Ndu hŏ ƀư mra hôm e tât n'ho ro; bu mâu dơi ntop đŏng ôh, mâu đŏng dơi n'hŭch lơi. Mâm Brah Ndu ƀư kơt nây gay kon bunuyh klach yơk ma Păng.

Kan Lêvi 4:2

“May ngơi hom ma phung ƀon lan Israel pô aơ: Tơlah geh du huê bunuyh mâu mĭn ƀư tih tâm du ntil lĕ nau vay Brah Yêhôva ntăm jêh ri ƀư nau mâu dơi vay ƀư ôh:

Kan Lêvi 4:22

Dôl geh du huê kôranh chiă uănh lăn ƀư tih jêh tâm du ntil nau tâm lĕ nau vay Brah Yêhôva ntăm, jêng Brah Ndu păng nơm, ƀư nau mâu dơi vay ƀư ôh, yor ri lĕ tih jêh.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Nau Kơp Bunuyh 15:25

Kôranh ƀư brah mra ƀư nau rƀŭn chuai nau tih ma lĕ rngôch phung ƀon lan Israel tâm rƀŭn; khân păng mra geh nau yô̆ an yorlah nĕ jêng nau tih mâu ŭch ƀư jêh ri phung tâm rƀŭn hŏ njŭn leo jêh tât tanăp Brah Yêhôva du ndơ ƀư brah, jêng du ndơ ƀư brah ăn ŭnh sa nhhơr ma Brah Yêhôva, nđâp ma ndơ ƀư brah chuai nau tih khân păng vĭ.

I Kôrintô 11:10

Ma nau nây, yor phung tông mpăr, ăn bu ur ndô ta klơ bôk nau mbên ma nau dơi păng.

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

ហេឞ្រើ 1:14

Mâu di hĕ lĕ rngôch phung tông mpăr jêng phung huêng brah pah kan, Brah Ndu njuăl hăn pah kan ma phung bunuyh dơn nau tâm rklaih hĕ?

Yakơ 1:26

Tơlah mbu moh mĭn păng nơm jêng bunuyh dơn nau chroh, mâu njrăng mpiăt păng nơm, ƀiălah ndơm êng nuih n'hâm păng nơm, pôri dơn nau chroh bunuyh nĕ jêng dơm dam.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

II Yôhan 1:8

Njrăng hom, gay ma khân may mâu roh lĕ rngôch ndơ bơh kan khân may ƀư, ƀiălah dơn rĭng nau nkhôm.