Nơm Nti 5:4 - Nau Brah Ndu Ngơi 2023

⁴ Dôl may ton moh ntil nau ma Brah Ndu lơi jŏ jong ƀư lôch, yorlah Păng mâu maak ôh ma phung rluk. Pôri, ƀư lôch nau may ton.

Nơm Nti 5:4 Iomraidhean Croise

Nau Ntơm 28:20

Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh,

Nau Ntơm 35:1

Brah Ndu lah ma Y-Yakôb: “Hăn gơnh hao ta ƀon Bêthel jêh ri gŭ ta nây. Rdâk đŏng ta nây du nơng ƀư brah ma Brah Ndu, Nơm hŏ tâm mpơl jêh ma may rnôk may nchuăt du bơh nâu may jêng Y-Êsau.”

Nau Ntơm 35:3

He ndrăp hom hăn hao ta Bêthel. Gâp mra ndâk du nơng ƀư brah ma Brah Ndu, jêng Nơm hŏ dơn jêh nau gâp tâm nar gâp uh ah, jêh ri kâp kơl gâp tâm ăp trong gâp sak nsong.”

Nau Mprơ Ơm 116:14

Gâp mra tâm lĕ nau gâp ton ma Brah Yêhôva, Tanăp lĕ rngôch phung ƀon lan Păng.

Nau Mprơ Ơm 119:106

Gâp hŏ sơm ton jêh ri ton nanê̆ pô aơ, Gâp mra djôt prăp lĕ nau vay May ƀư jêng sŏng srăng.

Nau Mprơ Ơm 22:25

Nau gâp tâm rnê gŭ ta nklang phung tâm rƀŭn toyh luh tă bơh Kôranh Brah; Gâp mra ƀư ăn jêh nau gâp ton tanăp phung klach yơk ma Păng.

Nau Mprơ Ơm 50:14

Nhhơr hom nau tâm rnê lah ueh jêng ndơ ƀư brah ma Brah Ndu Jêh ri ƀư lôch nau may ton ma Nơm Dŭt Prêh.

Nau Mprơ Ơm 76:11

Ton hom ma Brah Yêhôva Brah Ndu, Jêh ri ƀư nau khân may ton jêh ma Păng. Lĕ rngôch bunuyh gŭ văr jŭm Păng Djôt hom ndơ nhhơr ma Nơm khư bu klach.

Nau Hôr 20:25

Ngơi ma nau ndal ir pô aơ: “Ndơ aơ jêng ndơ kloh!” Jêh ri lah hŏ ton jêh ri mơ mĭn rvê tay đŏng, Nây jêng du mlâm dăk sân njrăng ăn ma kon bunuyh.

Êsai 19:21

Brah Yêhôva mra ƀư ma phung Êjipt gĭt năl Păng; jêh ri tâm nar nây, phung Êjipt mra gĭt năl Brah Yêhôva. Khân păng mra nhhơr mpa ƀư brah jêh ri ndơ ƀư brah gay yơk mbah ma Păng; khân păng mra ton ma Brah Yêhôva jêh ri ƀư nanê̆ ngăn nau nây.

Yônais 2:9

Phung mĭn rvê ma nau mƀruh Pôri nau yô̆ nđach mra chalơi khân păng.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Nau Kơp Bunuyh 30:2

Y-Môis lah ma phung kôranh chiă uănh ma phung ndŭl mpôl Israel pô aơ: “Aơ jêng nau Brah Yêhôva hŏ ntăm nti:

Mathay 5:33

Khân may hŏ tăng jêh nau nti ma phung ơm pô aơ: ‘Lơi rlăm ôh nau ton, ăn may djôt prăp nau ton nŭm rĭng đah Kôranh Brah.’

ហេឞ្រើ 10:6

Kôranh Brah mâu maak nuih n'hâm ôh ma ndơ ƀư brah gŭch Jêh ri ndơ ƀư brah chuai nau tih.

Phung Kôranh Phat Dôih 11:35

Y-Jêptê saơ jêh păng luh du, păng nkhêk ro bok ao păng nơm jêh ri lah: “Hơi kon! Kon bu ur gâp, kon ƀư ăn ma gâp rngot hâu ngăn ngên! Kon jêng nau uh ah toyh ma gâp! Yorlah gâp ngơi jêh nau ton sơm tanăp Brah Yêhôva jêh ri mâu dơi rgâl ôh.”