Nơm Nti 5:10 - Nau Brah Ndu Ngơi 2023

¹⁰ Nơm rŏng ma prăk rêl kŏ mâu mpay ma prăk rêl; Nơm rŏng ma drăp ndơ kŏ mâu mpay lĕ ma nau sa kao. Nau aơ ăt jêng dơm dam.

Nơm Nti 5:10 Iomraidhean Croise

Nau Mprơ Ơm 52:1

Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Nau Mprơ Ơm 52:7

“Nây jêng nơm mâu rnơm Brah Ndu Ƀư ntŭk mbe krap ma păng Ƀiălah rnơm nsing ma nau ndrŏng kuăng rmeh ler, Jêh ri ƀư ma păng nâp ma nau djơh mhĭk!”

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 1:8

Lĕ rngôch ndơ hŏt rgănh da dê, Kon bunuyh mâu dơi nkoch lĕ ôh; Măt uănh mro ăt mâu mpay, Tôr iăt mro ăt mâu geh nau khlay lĕ.

Nơm Nti 2:10

Gâp mâu dun ntil nau măt gâp nơm ŭch kơnh, ăt mâu king ôh nau nuih n'hâm ŭch rŏng, yorlah nuih n'hâm gâp maak ma lĕ rngôch kan hŏt gâp pah; jêh ri nây jêng nau gâp dơi geh tâm lĕ kan hŏt gâp nơm.

Nơm Nti 2:11

Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Nơm Nti 3:19

Yorlah nau mra tât ăn ma kon bunuyh jêh ri ma mpô mpa tâm ban da dê; mpô mpa aơ khĭt, mpô mpa ri ăt khĭt đŏng. Lĕ rngôch bar ntil aơ nsôr nsum du ntil n'hâm nsôr; kon bunuyh mâu rlau nâm bu mpô mpa, yorlah lĕ rngôch dơm dam da dê.

Nơm Nti 4:16

Phung ƀon lan tĭng nơm hađăch mom ndăm aơ âk ngăn ngên. Ƀiălah kơt nây, lĕ phung rô̆ pakơi mâu hôm ŭch yơk hađăch aơ đŏng. N'hêl nanê̆ nau aơ ăt jêng nau dơm dam, tĭng rlong sial khôm.

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Nơm Nti 5:9

Ƀiălah tâm lĕ rngôch nau geh, lĕ rngôch bunuyh sŏk play tă bơh mir, jêh ri hađăch tâm ban lĕ sŏk play nây đŏng.

Nơm Nti 6:7

Lĕ rngôch nau hŏt rgănh kon bunuyh jêng yor mbung păng nơm, ƀiălah nuih n'hâm kơnh ji hir mâu mra dơi mpay ôh.

Mathay 6:19

“Lơi khân may bun prăp drăp ndơ ta neh ntu aơ, ntŭk geh nchiăr mbon, geh ek găm ƀư rai, jêh ri geh bunuyh ntŭng kuyh ntơng mpông, lôk mpir lăp ntŭng.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

I Timôthê 6:10

Yorlah nau rŏng ma prăk jêng tơm reh ma lĕ rngôch nau mhĭk, ƀaƀă bunuyh yor ma tĭng joi prăk hŏ chalơi nau chroh, sŏk dơn êng ma khân păng nơm âk nau rêh ni hâu ngăn.