Nơm Nti 5:1 - Nau Brah Ndu Ngơi 2023

¹ Njrăng hom dôl may chuat tât ma ngih Brah Ndu. Ueh lơn tât dăch gŭ iăt rlau lơn jêng nhhơr mpa ƀư brah nâm bu phung rluk, yorlah khân păng nơm mâu gĭt năl ƀư nau mhĭk.

Nơm Nti 5:1 Iomraidhean Croise

II Nau Rêh Jêng 26:16

Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

Ndrom Samƀŭt bơh Yôp 11:2

“Di lĕ bơh mâu geh bunuyh dơi plơ̆ lah ma phung ngơi âk, Jêh ri bunuyh blau ngơi mra dơi kơp jêng sŏng?

Ndrom Samƀŭt bơh Yôp 22:12

Mâu di bơh Brah Ndu gŭ tâm ntŭk prêh klơ, tât lĕ klơ ndâr trôk? Uănh hom phung mănh mbing prêh lơn, prêh hâu ngăn ngên!

Nau Mprơ Ơm 89:7

Brah Ndu khư ma nau klach yơk tâm phung kloh ueh, Khư klach yơk ngăn rlau lơn ma lĕ rngôch phung gŭ văr jŭm păng.

Nau Ngluh Êjipt 3:5

Brah Ndu lah: “Lơi dăch ta aơ ôh! Ăn may doh hom ntâu jot tă bơh jâng may yorlah ntŭk may dôl dâk nây jêng neh kloh ueh.”

Nau Ngluh Êjipt 30:18

“Ăn may ƀư du mlâm thŭng dak ma kông gay ma rao; jêh ri jâng thŭng ma kông đŏng. Ăn may dơm hom thŭng nây ta vah vang Ngih Bok Nau Tâm Rƀŭn jêh ri nơng ƀư brah, jêh nây nkhŭt dak tâm thŭng nây.

Nau Hôr 10:19

Mbu âk ngơi, nơih ngăn geh nau tih; Ƀiălah mbu nơm blau njrăng bâr mbung jêng nau blau mĭn.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Kôranh Oh Mon 10:33

Pôri gâp njuăl bunuyh jă may, jêh ri may hŏ geh nuih n'hâm ueh văch ta aơ. Pôri aƀaơ, lĕ rngôch hên gŭ tanăp Brah Ndu, gay ma iăt lĕ rngôch nau Kôranh Brah hŏ ntăm jêh ma may.”

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

I Kôrintô 11:22

Khân may mâu geh hĕ ngih êng prăp sông sa nhêt? Mâu lah khân may tâm rmot ma Phung Ngih Brah Ndu, jêh ri ƀư bêk phung pưt kƀah? Moh ndơ gâp lah ma khân may? Tâm rnê ma khân may tâm nau nây ƀơh? Mâu, gâp mâu tâm rnê ôh!

ហេឞ្រើ 10:26

Yorlah tơlah he gĭt năl nau ngăn jêh, ƀiălah hôm mĭn ŭch ƀư tih, mâu hôm geh mpa ƀư brah ma nau chuai nau tih đŏng ôh,

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

Yôsuê 5:15

Kôranh chiă uănh ma phung tahan Brah Yêhôva lah ma Y-Yôsuê: “Doh lơi hom ntâu jot tă bơh jâng may, yorlah ntŭk may gŭ dâk nây jêng neh kloh ueh.” Y-Yôsuê ƀư tâm ban pônây lĕ.