Nơm Nti 4:4 - Nau Brah Ndu Ngơi 2023

⁴ Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Nơm Nti 4:4 Iomraidhean Croise

Nau Ntơm 26:14

Păng geh âk phung biăp, ndrôk jêh ri oh mon âk ngăn yor ri phung Philistin mâu nach ma păng.

Nau Ntơm 31:1

Y-Yakôb tăng nau phung kon bu klâu Y-Laban ngơi lah ndrăng khân păng nơm: “Y-Yakôb hŏ hăn sŏk jêh lĕ rngôch drăp ndơ mbơ̆ he, jêh ri bơh drăp ndơ mbơ̆ he yơh păng jêng ndrŏng.”

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 2:21

Yorlah geh bunuyh kan hŏt r'ah đah nau blau mĭn, nau gĭt rbăng jêh ri geh nau blau, jêh nây ăn drăp ndơn păng nơm ma nơm mâu mâp hŏt rgănh ma ndơ nây. Nau nây ăt jêng du nau dơm dam jêh ri du nau mhĭk toyh.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Nơm Nti 4:16

Phung ƀon lan tĭng nơm hađăch mom ndăm aơ âk ngăn ngên. Ƀiălah kơt nây, lĕ phung rô̆ pakơi mâu hôm ŭch yơk hađăch aơ đŏng. N'hêl nanê̆ nau aơ ăt jêng nau dơm dam, tĭng rlong sial khôm.

Nơm Nti 6:11

Lơ hâu âk nau lơ hâu ntop nau dơm dam; pônây ngơi âk moh geh ndơ khlay ăn ma kon bunuyh?

Nơm Nti 6:9

Nau măt saơ ueh lơn jêng nau ŭch mâu nanê̆. Nau nây ăt jêng dơm dam, tĭng rlong sail khôm.

Mathay 27:18

Yorlah păng gĭt, yor nau nach, khân păng jao Brah Yêsu jêh.

Kôranh Oh Mon 7:9

Phung chô yau keh nach ma Y-Yôsep, yor ri bu tăch păng njŭn leo tât ta n'gor Êjipt; ƀiălah Brah Ndu gŭ ndrel ma păng.

Yakơ 4:5

Mâu lah khân may mĭn jêng dơm dam nôk Nau Brah Ndu Ngơi lah: “Brah Huêng Ueh jêng Nơm Brah Ndu ƀư ăn gŭ tâm nuih n'hâm he, rŏng ma he kŏ tât geh nau ntôn?”

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.