Nơm Nti 4:16 - Nau Brah Ndu Ngơi 2023

¹⁶ Phung ƀon lan tĭng nơm hađăch mom ndăm aơ âk ngăn ngên. Ƀiălah kơt nây, lĕ phung rô̆ pakơi mâu hôm ŭch yơk hađăch aơ đŏng. N'hêl nanê̆ nau aơ ăt jêng nau dơm dam, tĭng rlong sial khôm.

Nơm Nti 4:16 Iomraidhean Croise

II Samuel 19:9

Tâm lĕ rngôch phung ndŭl mpôl Israel, bu nchră ndrăng khân păng pô aơ: “Hađăch tâm rklaih jêh he bơh ti phung rlăng, jêh ri păng rklaih jêh he bơh ti phung Philistin. Ƀiălah aƀaơ, păng du jêh bơh bri dak yor Y-Apsalôm.

I Phung Hađăch 1:40

Lĕ rngôch phung ƀon lan hăn hao tĭng ndô̆ hađăch. Khân păng uh n'hôm jêh ri nter huy hâk răm ngăn kŏ tât neh ntu n'gơ n'găr bơh nau troh nter khân păng.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 2:11

Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 2:17

Pôri, gâp tâm rmot nau rêh, yorlah đah gâp, lĕ rngôch kan pah luh tâm dâng nar mhĭk da dê; lĕ rngôch dơm dam da dê, tĭng rlong sial khôm.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Nơm Nti 4:15

Gâp saơ jêh lĕ rngôch phung rêh, hăn nsong tâm dâng nar, tĭng nơm mom ndăm rơh bar aơ da dê, jêng bunuyh mra hao ntrok hađăch ri.