Nơm Nti 4:1 - Nau Brah Ndu Ngơi 2023

¹ Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Nơm Nti 4:1 Iomraidhean Croise

Ndrom Samƀŭt bơh Yôp 16:4

Tơlah khân may gŭ tâm nau rêh geh kơt gâp, Gâp dơi lah tâm ban khân may đŏng; Gâp ăt drăp nkra rplay ngơi tâm rdâng đah khân may, Jêh ri rteh bôk uănh khân may.

Ndrom Samƀŭt bơh Yôp 35:9

Geh âk ir nau tŭn jot ƀư ma bu lŭng nter, Yor phung djơh tŭn jot dĭng bu kuăl kơl rklaih.

Ndrom Samƀŭt bơh Yôp 6:29

Gâp dăn khân may mĭn hom, lơi hôm geh nau mâu sŏng đŏng ôh. Mĭn tay hom, yorlah gâp hôm jêng bunuyh sŏng srăng.

Ndrom Samƀŭt bơh Yôp 9:24

Bri dak tŭp tâm ti phung ƀai Păng nkŭm lơi măt phung kôranh phat dôih; Tơlah mâu di Păng, mbu hôm đŏng?

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 142:4

Dăn May uănh pa ma gâp, Aơ, mâu geh bunuyh srâng iăt tât ma gâp ôh; Mâu đŏng geh ntŭk gay ma gâp nsing; Mâu geh nơm meng ma nau rêh gâp ôh.

Nau Mprơ Ơm 142:5

Ơ Brah Yêhôva, gâp kuăl dăn ma May pô aơ: “May jêng ntŭk gâp gŭ krap, Jêng ndơ bu pă ma gâp tâm n'gor bri phung rêh.”

Nau Mprơ Ơm 42:3

Ăp nar, bu ôp ma gâp: “Mbah ntŭk Brah Ndu may?” Pôri gâp rvăn dak măt ntrok ma ndơ sông sa Ăp măng nar.

Nau Mprơ Ơm 42:9

Gâp lah ma Brah Ndu jêng Lŭ Toyh gâp pô aơ: “Mâm ƀư May chuêl gâp? Mâm ƀư gâp rngot klâng Tâm dâng nau tŭn jot phung rlăng?”

Nau Mprơ Ơm 69:20

Nuih n'hâm gâp chah rai yor bu ƀư nau prêng, Jêh ri gâp rêh ni ngăn. Gâp kâp gân nau yô̆ ƀiălah mâu saơ, Gâp joi nơm bonh leng ƀiălah mâu mâp.

Nau Mprơ Ơm 69:21

Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Nau Mprơ Ơm 80:5

May mât rong jêh khân păng ma ƀănh dak măt Jêh ri ăn khân păng nhêt dak măt bêng kachok.

Nau Ngluh Êjipt 1:16

păng lah: “Dôl khân ay mât deh bu ur Hêbrơ, jêh ri lah khân ay saơ klơ sưng deh jêng kon bu klâu ăn nkhĭt lơi păng, lah bu ur rong ăn păng rêh.”

Nau Ngluh Êjipt 1:22

Pharaôn ntăm ma lĕ rngôch phung ƀon lan păng: “Ăn khân nơm klŭp lĕ rngôch kon bu klâu mhe deh phung Hêbrơ tâm dak krong, ƀiălah bu ur rong ăn păng rêh.”

Nau Hôr 19:7

Lĕ rngôch oh nâu ndŭl deh bunuyh o ach tâm rmot da dê ma păng, Lơ hâu phung mĭt jiăng păng mra du ngai bơh păng! Păng tĭng vơl dăn ma khân păng, Ƀiălah khân păng mâu hôm ôh ta nây!

Nau Hôr 28:3

Bunuyh o ach tŭn jot phung rêh ni Nâm bu dak mih ntâng pih kloh lĕ yan kăch roih.

Nau Hôr 29:2

Lah bunuyh sŏng srăng bĭk rơ̆ phung ƀon lan răm rhơn, Ƀiălah nôk phung djơh chiă uănh, phung ƀon lan lŭng nter.

Nơm Nti 3:16

Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Nơm Nti 7:7

Nau tŭn jot ƀư bunuyh blau jêng rluk, Ndơ bu blŏl ƀư djơh nuih n'hâm bunuyh.

Nơm Nti 8:9

Gâp hŏ saơ lĕ rngôch nau nây dôl nuih n'hâm ŭch mĭn đah lĕ nau kan tât geh tâm dâng nar. Geh tơ̆ bunuyh aơ chiă uănh ta klơ bunuyh ri, jêh ri ƀư ăn bunuyh nây geh nau mhĭk.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Êsai 51:23

Gâp mra dơm păng tâm ti phung ƀư rêh ni may, Jêng phung lah jêh ma may pô aơ: ‘Lâng bê̆ch hom gay ma hên dơi rgăn!’ Jêh ri ndŭr kơi may jêng tâm ban ma mbon neh, Tâm ban ma trong bu rgăn.”

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Yêrêmi 16:7

Mâu geh nơm nkê̆ch ƀănh ăn ma phung klâng ndrê gay bonh leng khân păng ma bunuyh hŏ khĭt; mâu đŏng geh lĕ nơm ăn kachok tâm pă nau rngot yor nau khĭt mê̆ mbơ̆ khân păng.

Nau Nhĭm Vơl 1:16

Yor nây gâp nhĭm nhhiăng; Gâp hor âk dak măt; Yorlah nơm bonh leng gâp ngai jêh ma gâp, Mâu geh nơm n'hao nuih gâp ôh. Phung kon gâp gŭ êng, Yorlah phung rlăng hŏ dơi jêh.”

Nau Nhĭm Vơl 1:17

Ƀon Siôn yơr ti jêh, Ƀiălah mâu ôh geh nơm bonh leng păng; Brah Yêhôva hŏ ƀư jêh ăn ma phung chiau meng Jêng phung rlăng ma Yakôb; Yêrusalem hŏ jêng jêh Du ntil ndơ ƀơ̆ gŭ ta nklang khân păng.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 1:9

Nau ƀơ̆ ƀơch păng krêp tâm nah bŭt păng; Păng mâu mĭn ôh ma nar kăndơ̆; Păng lĕ tŭp jêng mha ngăn Mâu geh nơm bonh leng păng ôh! “Ơ Brah Yêhôva, uănh hom ma nau rêh ni gâp, Yorlah phung rlăng hŏ yơk n'hao êng păng nơm!”

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Amôt 3:9

Mbơh hom ma lĕ pôih nâp tâm n'gor Asdôt, Jêh ri ma lĕ pôih toyh tâm n'gor Êjipt, Lah hom pô aơ: “Khân may tâm rgum hom ta klơ lĕ yôk Samari; Uănh hom âk nau uh ah toyh ngăn ta nây Jêh ri nau tŭn jot ta nklang ƀon lan păng”

Malachi 2:13

Aơ jêng nau tal bar khân may mra ƀư: Khân may sŏk dak măt, nau nhĭm nhhiăng, nau nter vơl gay nkŭm lơi nơng ƀư Brah Yêhôva, yor Păng mâu hôm rle uănh ôh jêh ri mâu dơn ôh lĕ ndơ ƀư brah nhhơr tă bơh ti khân may.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Nau Vay Nkah Tay 28:48

yor ri tâm nau sa sât ji ngot, nau kuh rhôk jêh ri nau pưt kƀah ăp ntil ndơ, ăn khân may pah kan ma phung rlăng Brah Yêhôva njuăl khân păng tât gay lơh khân may. Păng mra dơm mbăk loih ta trô ko khân may kŏ tât ƀư rai lơi khân may.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.

Phung Kôranh Phat Dôih 4:3

Yorlah Y-Jabin geh jêh sĭn rhiăng ndeh seh ma loih jêh ri păng tŭn jot phung Israel ma nau djơh tâm bar jât năm, pônây, phung ƀon lan Israel nter dăn ma Brah Yêhôva.