Nơm Nti 3:8 - Nau Brah Ndu Ngơi 2023

⁸ Geh năng rŏng, geh năng rmot; Geh năng tâm lơh, geh năng đăp mpăn.

Nơm Nti 3:8 Iomraidhean Croise

I Phung Hađăch 5:4

Ƀiălah aƀaơ ri, Yêhôva Brah Ndu gâp, ăn jêh ma gâp dơi đăp mpăn gŭ jŭm, mâu hôm geh ôh phung rlăng, mâu đŏng hôm geh nau mhĭk tât.

II Phung Hađăch 9:22

Tơlah Y-Jôram lĕ saơ jêh Y-Jêhu, păng ôp: “Hơi Y-Jêhu, nau đăp mpăn lĕ?” Ƀiălah Y-Jêhu plơ̆ lah: “Mâm dơi geh nau đăp mpăn dôl mê̆ may H'Jêsêbel ƀư âk nau ka n'hong jêh ri nau n'hŭm?”

II Nau Rêh Jêng 19:2

Nơm geh nau tâm saơ Y-Jêhu, kon Y-Hanani, hăn tâm mâp đah Y-Jôsaphat jêh ri lah: “Di lĕ may hŏ kơl nơm djơh mhĭk jêh ri rŏng ma phung tâm rmot Brah Yêhôva? Yor nau nây, nau Brah Yêhôva ji nuih tât ma may.

Nau Mprơ Ơm 101:3

Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Nau Mprơ Ơm 105:25

Păng ƀư ma phung Êjipt plơ̆ tâm rmot ma phung ƀon lan Păng, Tâm nchră ƀư mhĭk ma phung oh mon Păng.

Nau Mprơ Ơm 139:21

Ơ Brah Yêhôva! Mâm ƀư gâp mâu tâm rmot ma phung tâm rmot ma May? Jêh ri mâu mưch rmot ôh ma phung tâm rdâng đah May?

Nau Hôr 13:5

Bunuyh sŏng srăng tâm rmot ma nau ngơi mƀruh, Bunuyh djơh mhĭk di ma bu tâm rmot jêh ri bêk prêng.

Êsêkiêl 16:8

Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Luka 14:26

“Tơlah mbu moh văch gay tĭng Gâp ƀiălah mâu tâm rmot ma mbơ̆ mê̆, ur kon, phung nâu oh, yuh oh păng jêh ri nđâp ma nau rêh păng nơm, ndri mâu dơi jêng oh mon Gâp.

Êphêsô 3:19

jêh ri dơi gĭt năl nau rŏng Brah Krist, jêng nau rŏng rlau lơn ma lĕ rngôch nau gĭt rbăng, gay ma khân may bêng ler lĕ ntil ndơ âk rmeh bơh Brah Ndu.

Êphêsô 5:25

Hơi phung sai, rŏng hom ma ur khân may nơm nâm bu Brah Krist rŏng jêh ma Phung Ngih Brah Ndu, jao săk jăn yor Phung Ngih Brah Ndu,

Titus 2:4

gay ma sâm nti ma phung bu ur druh gĭt rŏng ma sai, rŏng ma phung kon,

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Nau Tâm Mpơl 2:2

‘Gâp gĭt năl lĕ kan may ƀư jêh, nau jâk jêr may, nau may srôih. Gâp gĭt may mâu dơi dơn phung mhĭk, jêh ri rlong uănh jêh phung kơp êng săk khân păng nơm jêng kôranh oh mon, ƀiălah mâu di jêng kôranh oh mon, jêh ri may gĭt năl jêh khân păng jêng phung ngơi mƀruh.