Nơm Nti 3:2 - Nau Brah Ndu Ngơi 2023

² Geh năng deh, geh năng khĭt; Geh năng srih tăm, geh năng rôk ndơ hŏ tăm;

Nơm Nti 3:2 Iomraidhean Croise

Nau Ntơm 17:21

Ƀiălah Gâp mra njêng nau tâm rnglăp đah Y-Isăk, H'Sara yơh mra deh ăn ma may tâm yan aơ năm pakơi taơ.”

Nau Ntơm 47:29

Bơi dăch tât nar khĭt, Y-Israel kuăl Y-Yôsep, kon bu klâu păng jêh ri lah: “Lah may klâng gâp, ăn may dơm hom ti may tâm dâng kuang gâp, sŏk nau ueh jêh ri nau nanê̆ ngăn gay ton ma gâp lơi tâp ôh gâp tâm n'gor Êjipt.

I Phung Hađăch 13:2

Tông tĭng nau ntăm Brah Yêhôva, bunuyh nây nter tâm rdâng đah nơng ƀư brah pô aơ: “Hơi nơng ƀư brah, nơng ƀư brah! Brah Yêhôva lah: ‘Ri! du huê kon bu klâu mra dơi deh ma ngih Y-Đavit, amoh păng jêng Y-Jôsia. Păng mra nhhơr ta klơ may n'hanh phung kôranh ƀư brah ta lĕ ntŭk prêh klơ, jêng phung gŭch ndơ ƀâu kah ta klơ may, jêh ri bu mra su ta klơ may nting phung bunuyh khĭt.’”

II Phung Hađăch 4:16

Y-Êlisê lah ma păng: “Năm pakơi taơ, tâm nôk aơ, ay mra chông ra-u du huê kon bu klâu.” Păng plơ̆ lah: “Mâu ôh, hơi kôranh jêng bunuyh Brah Ndu! Lơi ngơi mƀruh ma oh mon bu ur may ôh.”

Ndrom Samƀŭt bơh Yôp 14:14

Tơlah kon bunuyh khĭt, dơi lĕ khân păng dâk rêh tay? Du bông lĕ nar kan hŏt r'ah, Gâp mra gŭ kâp kŏ tât nau rêh ni rlau lôch.

Ndrom Samƀŭt bơh Yôp 14:5

Mrô nar ma nau rêh bunuyh bơh Kôranh Brah lĕ nal jêh, Mrô khay năm knŏng tâm Păng yơh, Jêh ri ndah dŭt May tâm nal jêh, mâm dơi rlau.

Ndrom Samƀŭt bơh Yôp 7:1

“Nau rêh kon bunuyh ta neh ntu mâm mâu di jêng kan nau jêr? Lĕ nar khay ma khân păng, geh êng đŏng đah nar khay bơh bunuyh pah kan nkhôm?

Nau Mprơ Ơm 113:9

Păng ăn bu ur mâu bă kon Jêng dơi ƀư mê̆ maak ta nklang phung kon tâm ngih păng! Halêluya!

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Hôr 24:27

Đăp mpăn hom nau kan padih may, Jêh ri ndrăp lor lĕ nau kan tâm mir may; Jêh nây ndâk hom ngih may.

Êsai 28:24

Di lĕ nơm kai mir ŭch srih ăt kai ăp nar lĕ? Bunuyh nây ăt pŏk neh jêh ri ƀư hăch ƀaƀơ neh?

Êsai 38:1

Tâm lĕ nar nây, Y-Hêsêkia ji dăch khĭt. Nơm mbơh lor Y-Êsai, kon bu klâu Y-Amôt, hăn tâm mâp păng jêh ri lah: “Brah Yêhôva lah kơt aơ: ‘Dăp nkra hom kan tâm ngih may yorlah may mra khĭt, mâu hôm dơi rêh ôh.’ ”

Êsai 38:5

“Plơ̆ tay hom lah ma Y-Hêsêkia, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ dak măt may. Aơ, Gâp mra ntop jât ma prăm năm ma may gŭ rêh.

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Yêrêmi 1:10

Uănh hom, nar aơ Gâp hŏ ndâk may djôt nau dơi đah lĕ mpôl bunuyh, lĕ bri dak, Gay may rôk tơm mâu lah ƀư rlâm, Ƀư rai mâu lah n'glưh lơi, Ndâk mâu lah brôi tăm.”

Yêrêmi 45:4

May lah hom ma păng pô aơ: “Brah Yêhôva lah: ‘Aơ, Gâp mra klưh lơi moh ndơ Gâp hŏ ndâk jêh, Gâp mra rôk lơi moh ndơ Gâp hŏ tăm jêh, jêh ri nau nây mra geh tât tâm lam neh ntu.

Mathay 13:41

Kon Bunuyh mra njuăl phung tông mpăr Păng nhŭp lĕ rngôch phung ƀư mhĭk jêh ri lĕ rngôch phung ƀư djơh ngluh lơi bơh ƀon bri hađăch Păng,

Mathay 15:13

Păng plơ̆ lah: “Moh tơm si Mbơ̆ Gâp klơ trôk mâu mâp tăm, ăn bu mra rôk lơi.

Luka 1:13

Ƀiălah tông mpăr đă ma păng: “Aơ, hơi Y-Sakari, lơi klach ôh! Yorlah Brah Ndu hŏ tăng jêh nau may mbơh sơm. H'Êlisabet, ur may, mra deh du huê kon bu klâu; may mra tâm amoh păng Y-Yôhan.

Luka 1:20

Nĕ aơ, may mra mlo, mâu dơi ngơi ôh, tât nar lĕ nau nây tât geh, yorlah may mâu chroh ma nau gâp ngơi, jêng nau mra dơi ƀư nanê̆ di mông.”

Luka 1:36

Ri, H'Êlisabet, bunuyh ndŭl mpôl ay, đŏng bă ntreo du huê kon bu klâu tâm dôl păng lĕ ranh. Păng ơm dơi gĭt jêng mâu bă kon ƀiălah aƀaơ hŏ bă treo dơi prao khay jêh.

Yôhan 16:21

Bu ur dôl deh kon geh nau ji glăm, yorlah mông păng nơm tât jêh, ƀiălah dôl păng deh kon jêh, păng mâu hôm kah gĭt ôh nau ji glăm, ƀiălah păng răm, yorlah du huê bunuyh hŏ deh jêh tâm neh ntu.

Yôhan 7:30

Jêh nây khân păng joi ŭch nhŭp Brah Yêsu, ƀiălah mâu geh du huê nto ti pah ta Păng ôh, yorlah mông Păng ê hŏ tât.

Kôranh Oh Mon 7:17

Nôk dăch tât tâm rnôk Brah Ndu ƀư tât di ngăn nau ton jêh ma Y-Abraham, rnoh bunuyh he ăt bĭk rơ̆ âk râk ta n'gor Êjipt,

Kôranh Oh Mon 7:20

Tâm rnôk nây, bu deh ma Y-Môis, păng ueh jêh rom ray tanăp Kôranh Brah jêh ri bu rong păng pe khay tâm ngih mbơ̆ păng.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Nau Vay Nkah Tay 34:5

Y-Môis, oh mon Brah Yêhôva, khĭt ta nây, ta neh lâng klơ dor Môap, tĭng nâm nau Brah Yêhôva hŏ lah jêh.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.

I Samuel 2:5

Phung lĕ hơm jêh pah kan bu nkhôm gay geh piăng let, Ƀiălah phung ji ngot mâu hôm ji ngot đŏng ôh. Bu ur ndrô gâng, păng deh pơh tơ̆, Bi nơm âk kon, jêng djoh rgay.