Nơm Nti 3:19 - Nau Brah Ndu Ngơi 2023

¹⁹ Yorlah nau mra tât ăn ma kon bunuyh jêh ri ma mpô mpa tâm ban da dê; mpô mpa aơ khĭt, mpô mpa ri ăt khĭt đŏng. Lĕ rngôch bar ntil aơ nsôr nsum du ntil n'hâm nsôr; kon bunuyh mâu rlau nâm bu mpô mpa, yorlah lĕ rngôch dơm dam da dê.

Nơm Nti 3:19 Iomraidhean Croise

II Samuel 14:14

Lĕ rngôch he mra khĭt yơh, tâm ban ma dak lĕ nkhŭt jêh klơ neh, mâu hôm blau rƀŭn ndrel ôh. Ƀiălah Brah Ndu mâu mra sŏk lơi ôh nau rêh; ƀiălah, Păng gĭt tĭng joi trong gay nơm bu mprơh jêh mâu ăn du ngai đah Păng.

Nau Mprơ Ơm 104:29

Ƀiălah tơlah May pôn măt, khân păng krit ngăn, May sŏk lơi n'hâm khân păng, khân păng khĭt Jêh ri plơ̆ sĭt ma ndruyh neh.

Nau Mprơ Ơm 49:12

Ƀiălah kon bunuyh nđâp lah ndrŏng kuăng mâu mra hôm mro; Păng jêng tâm ban ma mpô mpa roh rai.

Nau Mprơ Ơm 49:13

Trong khân păng jêng nau rluk khân păng; Jêh ri phung tĭng khân păng ŭch nau khân păng blau ngơi. (Sêla)

Nau Mprơ Ơm 49:20

Bunuyh geh nau ndrŏng kuăng jêh ri mâu geh nau gĭt rbăng Jêng tâm ban ma mpô mpa hăn tâm nau rai yot.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 2:14

Bunuyh blau mĭn geh trôm măt tâm bôk păng, Bi phung rluk chuat hăn tâm nau ngo. Ƀiălah, gâp saơ jêh lĕ bar hê mra hăn ndrel ma du ntŭk tâm nal.

Nơm Nti 2:16

Bu mâu hôm kah gĭt mro bunuyh blau mĭn tâm ban phung rluk; yorlah tâm lĕ nar mra dăch tât, lĕ rngôch chuêl da dê. Di yơh, bunuyh blau mĭn tâm ban phung rluk mra khĭt da dê!

Nơm Nti 7:2

Hăn tât ngih ndrê klâng Ueh lơn tât ma ngih nhêt sa, Yorlah nau nây jêng ntŭk nglĕ dŭt ma lĕ rngôch bunuyh, Jêh ri bunuyh rêh ăn nuih n'hâm klâng rvê.

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Nơm Nti 9:2

Ăp nau kan geh tât ăn ma lĕ rngôch bunuyh du ai tâm ban, nsum du mrô tâm nal: Bunuyh sŏng srăng tâm ban ma phung djơh mhĭk, Bunuyh ueh tâm ban ma phung mhĭk, Bunuyh geh nau kloh tâm ban ma phung ƀơ̆ ƀơch, Bunuyh nhhơr mpa ƀư brah tâm ban phung mâu nhhơr, Bunuyh sŏng tâm ban ma phung nau tih, Bunuyh tâm ton tâm ban phung mâu nănh tâm ton.

Nau Kơp Bunuyh 16:29

Tơlah phung aơ khĭt nâm bu lĕ rngôch bunuyh êng, mâu lah tơlah khân păng dơn ndrel nâm bu lĕ rngôch bunuyh pôri Brah Yêhôva mâu mra njuăl ôh gâp hăn.