Nơm Nti 3:16 - Nau Brah Ndu Ngơi 2023

¹⁶ Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Nơm Nti 3:16 Iomraidhean Croise

Nơm Nti 4:1

Gâp plơ̆ sek uănh tay lĕ rngôch nau tŭn jot nau tât geh tâm dâng nar: Ri, phung bu tŭn jot hoch hor dak măt Mâu geh nơm bonh leng khân păng! Phung tŭn jot mƀin nsing ma nau dơi, Ƀiălah phung bu tŭn jot mâu geh nơm bonh leng!

Nơm Nti 5:7

Ta ntŭk geh âk ir nau mbơi, ta nây geh âk nau dơm dam jêh ri âk nau ngơi. Pôri, klach yơk hom ma Brah Ndu.

Nơm Nti 5:8

Dôl may saơ tâm du n'gor geh phung o ach bu tŭn jot, nau sŏng jêh ri nau di bu jot rchal, lơi ta hih rhâl ôh ma nau nây; yorlah du hê kôranh toyh geh kôranh toyh lơn nking n'gang jêh ri ta klơ khân păng hôm e geh kôranh toyh lơn đŏng.

Nơm Nti 8:9

Gâp hŏ saơ lĕ rngôch nau nây dôl nuih n'hâm ŭch mĭn đah lĕ nau kan tât geh tâm dâng nar. Geh tơ̆ bunuyh aơ chiă uănh ta klơ bunuyh ri, jêh ri ƀư ăn bunuyh nây geh nau mhĭk.

Êsai 59:14

Yor ri nau sŏng rŭch du jêh, Nau sŏng srăng gŭ ngai; Yorlah nau ngăn chêh prah jêh tâm nklang nkual toyh, Jêh ri nau sŏng mâu dơi lăp ôh.

Mika 2:2

Khân păng kơnh neh mir jêh ri pit in lơi, Khân păng kơnh ngih vâl jêh ri sŏk lơi. Khân păng tŭn jot bu jêh ri ngih vâl khân păng Jêng bunuyh jêh ri drăp ndơ khân păng.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Mathay 26:59

Nôk nây, phung kôranh ƀư brah toyh jêh ri lĕ rngôch phung kôranh phat dôih joi nau phong nchơt tâm rdâng ma Brah Yêsu gay tâm rmal nkhĭt lơi Păng.

Kôranh Oh Mon 23:3

Y-Pôl lah: “Hơi mpêr mhĭng klo nglang ri, Brah Ndu mra dong may. May gŭ gay ma phat dôih gâp tĭng nâm nau vay, ƀiălah may rlau nau vay, đă bu dong gâp.”

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?