Nơm Nti 3:11 - Nau Brah Ndu Ngơi 2023

¹¹ Lĕ rngôch kan Brah Ndu hŏ ƀư jêng ueh da dê tâm rnôk păng. Nđâp tơlah Brah Ndu n'gân nau n'ho ro tâm nuih n'hâm kon bunuyh, ƀiălah khân păng ăt mâu dơi gĭt rbăng nau kan Păng ƀư ntơm bơh saơm tât nglĕ dŭt.

Nơm Nti 3:11 Iomraidhean Croise

Nau Ntơm 1:31

Brah Ndu saơ lĕ ntil ndơ Păng hŏ njêng jêh; ri, ueh ngăn ngên! Pôri, geh mhaơ jêh ri ôi. Nây jêng nar tal prao.

Ndrom Samƀŭt bơh Yôp 11:7

Gĭt lah may dơi gĭt vât jru nau khlay ndâp Brah Ndu Jêh ri joi nau gĭt rbăng toyh bơh Nơm Geh Lĕ Nau Brah?

Ndrom Samƀŭt bơh Yôp 37:23

Nơm Geh Lĕ Nau Brah, he mâu dơi ôh joi tât ta Păng; Păng geh nau brah jêh ri sŏng nanê̆ ngăn, Păng sŏng srăng dŭt n'hâm, mâu tŭn jot bu ôh.

Ndrom Samƀŭt bơh Yôp 5:9

Păng pah kan toyh ngăn jêh ri bu mâu dơi ôh chrâng, Âk ntil nau khlay ngăn kơp mâu dơi lôch.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Hôr 16:4

Brah Yêhôva rhăk njêng lĕ rngôch mpô mpa geh da dê nau ŭch, Nđâp ma lĕ bunuyh ƀai đŏng prăp ma nar nau mhĭk.

Nơm Nti 1:13

Gâp joi gĭt lĕ nuih n'hâm jêh ri dŏng nau blau mĭn gâp nơm gay sek uănh lĕ rngôch kan tât geh tâm dâng trôk. Nây jêng nau kan hŏt rgănh Brah Ndu hŏ jao ăn ma kon bunuyh rvê ƀư.

Nơm Nti 11:5

May mâu gĭt ôh trong sial khôm, Ăt mâu gĭt lĕ mâm bu ntreo njêng săk jăn tâm trôm ndŭl mê̆; Tâm ban nây lĕ, may mâu dơi gĭt rbăng ôh nau kan Brah Ndu Jêng Nơm rhăk njêng lĕ ntil mpô mpa.

Nơm Nti 7:13

Mĭn rvê hom ma nau kan Brah Ndu; Mbu nơm mra dơi ƀư ăn sŏng ndơ Păng hŏ nkê̆ch kue?

Nơm Nti 7:23

Gâp hŏ dŏng nau blau mĭn gay rlong uănh lĕ nau nây, jêh ri gâp ngơi: “Gâp mra plơ̆ jêng blau mĭn,” Ƀiălah nau blau mĭn ăt hôm ngai ma gâp.

Nơm Nti 7:29

Ƀiălah aơ jêng nau knŏng nguay gâp dơi joi: ‘Brah Ndu hŏ rhăk njêng kon bunuyh sŏng, Ƀiălah khân păng nơm hŏ joi âk ndơm.’”

Nơm Nti 8:17

Gâp sek uănh lĕ rngôch nau kan Brah Ndu jêh ri dơn gĭt pô aơ kon bunuyh mâu dơi joi gĭt rbăng lĕ kan tât geh tâm dâng nar. Nđâp tơlah kon bunuyh hŏt r'ah tĭng joi ăt mâu dơi joi gĭt rbăng đŏng ôh. Nđâp lĕ bunuyh blau mĭn ntôn lah pô aơ păng mra dơi gĭt ăt mâu dơi joi gĭt rbăng.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Markôs 7:37

Lĕ rngôch bunuyh nây hih rhâl ngăn jêh ri lah: “Păng ƀư lĕ nau jêng ueh ngăn: Păng ăn bunuyh tê̆k dơi tăng, bunuyh mlo dơi ngơi!”

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.