Nơm Nti 2:8 - Nau Brah Ndu Ngơi 2023

⁸ Gâp ăt prăp nkrem prăk, mah jêh ri drăp ndơ khlay phung hađăch, jêh ri tă bơh lĕ n'gor. Gâp geh âk phung mprơ bu ur bu klâu. Bi nau bu klâu ŭch rŏng gâp geh âk ur yông jêh ri bu ur ueh.

Nơm Nti 2:8 Iomraidhean Croise

II Samuel 19:35

Nar aơ gâp geh jêh pham jât năm, hôm gĭt vât nau ueh mâu lah nau mhĭk đŏng? Oh mon may kŏ mâu hôm gĭt năl kah mâu lah sât ndô ndơ he sa jêh ri nhêt, mâu hôm geh nau maak lĕ tơlah tăng bu klâu mâu lah bu ur mpât mprơ? Pônây, mâm ƀư oh mon may ƀư tay nau jâk ma hađăch jêng kôranh gâp?

I Phung Hađăch 10:10

Jêh nây hađăch bu ur n'gor Sêba nhhơr ma hađăch pe rbăn prao rhiăng kilô mah, jêh ri dŭt âk dak si ƀâu kah n'hanh ma lŭ khlay. Mâu hôm mâp geh ôh bu djôt leo dak si ƀâu kah âk tâm ban hađăch bu ur n'gor Sêba ăn jêh ma hađăch Salômôn.

I Phung Hađăch 10:14

Rnoh mah hađăch Salômôn sŏk tâm ăp năm njing jâk klăp lah tât bar jât tân,

I Phung Hađăch 10:21

Lĕ rngôch kachok dŏng gay nhêt hađăch Salômôn ƀư đah mah da dê, jêh ri lĕ rngôch ndơ dŏng tâm ngih Bri Krŏng Liban ƀư đah mah kloh da dê. Mâu geh ôh ndơ dŏng ƀư đah prăk, yorlah tâm rnôk hađăch Salômôn, prăk mâu geh nau khlay ôh.

I Phung Hađăch 11:3

Hađăch geh pơh rhiăng nuyh ur jêh ri pe rhiăng nuyh ur yông; khân păng ƀư vĭ ma nuih n'hâm hađăch.

I Phung Hađăch 14:27

Hađăch Rôbôam ntrŭnh ƀư lĕ khêl kông ntrok lĕ khêl nây jêh ri jao lĕ ndơ nây ma phung kôranh tahan gak ngih hađăch.

I Phung Hađăch 9:14

Y-Hiram hŏ njuăl jêh ma hađăch Salômôn bar rbăn prao rhiăng kilô mah.

I Phung Hađăch 9:28

Khân păng hăn tât ta Ôphir jêh ri djôt bơi jât mpe tân mah tă bơh ntŭk nây sĭt chê̆ ma hađăch Salômôn.

I Nau Rêh Jêng 25:1

Y-Đavit jêh ri phung kôranh pah kan tâm ngih brah rnglah êng đŏng phung ƀaƀă kon bu klâu Y-Asap, phung ƀaƀă kon bu klâu Y-Hêman, jêh ri phung ƀaƀă kon bu klâu Y-Jêduthun ma kan mra mbơh lor ndrel ma nau uh n'hôm kreh gong rêng, jêh ri rgu dang nteh. Amoh phung pah kan nây jêh ri kan khân păng pô aơ:

I Nau Rêh Jêng 25:6

Lĕ rngôch phung nây gŭ tâm dâng nau dơi mât uănh mbơ̆ khân păng gay ƀư kan mprơ tâm ngih Brah Yêhôva ma rgu dang nteh ăn huy, gong rêng jêh ri gong rêng loih, gay pah kan tâm ngih Brah Ndu. Y-Asap, Y-Jêduthun, jêh ri Y-Hêman gŭ tâm dâng nau dơi hađăch.

II Nau Rêh Jêng 9:11

Hađăch sŏk tơm si rte nây ƀư ntung gung ma ngih Brah Yêhôva jêh ri ma ngih hađăch; hađăch sŏk đŏng tơm si nây ƀư gong rêng loih, gong rêng ma phung mprơ. Alor nơh, tâm bri Yuđa, bu ê hŏ saơ geh tâm ban kơt nây.)

Êsra 2:65

mâu kơp pơh rbăn pe rhiăng pe jât ma pơh oh mon bu klâu bu ur khân păng jêh ri bar rhiăng nuyh kâp mprơ, bu klâu jêh ri bu ur.

Nơm Nti 1:2

Nơm nti ngơi: Nau dơm dam ma nau dơm dam, Nau dơm dam ma nau dơm dam! Lĕ rngôch dơm dam da dê.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 3:5

Tơlah khân may tăng bâr nŭng, bâr n'hôm, bâr gong rêng, dĭng vưt, rlet, gong rêng loih, gâr jê̆ jêh ri lĕ rngôch gong kreh huy khân may chon mon muh măt yơk mbah ma rup mah hađăch Nêbukatnetsar rdâk jêh.

Daniel 3:7

Yor ri, tăng jêh bâr nŭng, bâr dĭng, bâr gong rêng, dĭng vưt, gong rêng loih, bâr rlet jêh ri ăp ntil gong kreh huy lĕ rngôch ntil phung, lĕ bri dak, lĕ nau ngơi, chon mon muh măt da dê jêh ri yơk mbah ma rup mah hađăch Nêbukatnetsar rdâk jêh.

Amôt 6:5

Bâr khân may mprơ lă lêng gay tâm vơt đah nteh gong rêng, Jêh ri njêng lĕ gong rêng ma khân păng nơm nâm bu Đavit.