Nơm Nti 2:3 - Nau Brah Ndu Ngơi 2023

³ Gâp mĭn êng mra nhêt ndrănh gay săk jăn răm tâm nau nhŭl ƀiălah djôt bôk rngok geh nau blau mĭn. Gâp mra rduh leo nau rêh brŭt rluk kŏ tât nôk gĭt năl nau ueh kon bunuyh dơi ƀư tâm dâng trôk du bông nar păng gŭ rêh.

Nơm Nti 2:3 Iomraidhean Croise

Nau Ntơm 47:9

Y-Yakôb plơ̆ lah ma Pharaôn: “Dĭng lĕ năm nau rêh gâp ta neh ntu geh du rhiăng pe jât năm. Lĕ năm gâp dơi rêh jê̆ lê̆ jêh ri hŏt rgănh, jêh ri mâu ban ôh nau rêh bơh chô yau gâp ta neh ntu.”

Ndrom Samƀŭt bơh Yôp 14:14

Tơlah kon bunuyh khĭt, dơi lĕ khân păng dâk rêh tay? Du bông lĕ nar kan hŏt r'ah, Gâp mra gŭ kâp kŏ tât nau rêh ni rlau lôch.

Nau Mprơ Ơm 104:15

Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Nau Hôr 20:1

Ndrănh ƀư ăn bu tâm mưch, ndơ nhêt nhŭl ƀư ăn nau ngơi drơu drơu; Mbu nơm dŏng păng rlau keh ir mâu di ôh jêng blau mĭn.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 10:19

Nkra nhêt sa gay rvăt nau maak, Ndrănh ƀư ăn nau rêh răm maak, Jêh ri prăk rêl dơi tŏng nau ŭch.

Nơm Nti 12:13

Nau nglĕ dŭt ăn lĕ rngôch moh ndơ hŏ tăng jêh ta klơ aơ: Klach yơk hom ma Brah Ndu jêh ri djôt prăp nau vay ntăm bơh Păng, Nây jêng lĕ nau ƀư di ma kon bunuyh.

Nơm Nti 2:24

Mâu geh nau ueh lơn ăn ma kon bunuyh jêng sa, nhêt, jêh ri dơn nau ueh maak tâm kan hŏt păng. Gâp saơ nau nây ăt tât bơh mpang ti Brah Ndu.

Nơm Nti 5:18

Ri, gâp saơ ngăn jêng nau ueh jêh ri jêng di ăn kon bunuyh sa, nhêt, jêh ri dơn nau maak lĕ rngôch kan hŏt păng ƀư tâm dâng nar du bông gŭ rêh Brah Ndu ăn jêh; yorlah nau nây jêng kô̆ ăn ma kon bunuyh dơi dơn.

Nơm Nti 6:12

Yorlah mbu dơi gĭt moh nau jêng ueh ma kon bunuyh tâm du bông nar dơm dam jêh ri gơnh rlau nâm bu du mlâm gui? Mbu nơm dơi ngơi lor ăn ma kon bunuyh moh nau geh tât tâm dâng nar dôl pakơi păng chalơi nau gŭ rêh?

Nơm Nti 7:18

Ueh lơn, may djôt prăp nau aơ Ăt mâu lĕ mƀơk ti tă bơh nau ri, Yorlah bunuyh klach yơk ma Brah Ndu der bơh nau nây.

Nơm Nti 7:25

Gâp nsrôih joi gay ma gĭt, sek uănh, Jêh ri tĭng joi nau blau mĭn ndrel nau di lĕ rngôch ndơ; Gâp gĭt năl pô aơ nau djơh jêng nau rluk, Nau rluk mâl jêng nau brŭt ndrăng.

Nơm Nti 8:15

Gâp mprơ rnê nau răm maak, yor tâm dâng nar mâu geh ndơ ueh ăn ma kon bunuyh rlau lơn jêng sa, nhêt jêh ri răm maak. Nây jêng nau tâm nkrêp đah bông nar hŏt rgănh ma nau rêh Brah Ndu ăn ma kon bunuyh tâm dâng nar.

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Êphêsô 5:18

Lơi nhŭl ndrănh ôh, yorlah ndrănh njŭn leo nau blă blơ, ƀiălah ăn khân may bêng ma Brah Huêng Ueh.

Phung Kôranh Phat Dôih 9:13

Ƀiălah tơm krăk ƀâu plơ̆ lah: ‘Gâp mra chalơi lĕ ndrănh ueh Jêng ndơ ƀư maak ma phung brah jêh ri bunuyh Gay hăn ƀư mpât tơm si ƀơh?’

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.