Nơm Nti 2:22 - Nau Brah Ndu Ngơi 2023

²² Pônây, moh ndơ kon bunuyh geh tă bơh nau kan ƀư hŏt jêh ri nuih n'hâm jâk jêr khân păng ƀư tâm dâng nar?

Nơm Nti 2:22 Iomraidhean Croise

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Hôr 16:26

Ndŭl ji ngot ƀư ăn khân păng pah kan, Mbung ŭch sa ntrôl khân păng mra kan.

Nơm Nti 1:3

Kon bunuyh moh ndơ khlay Dôl kan hŏt rơah tâm dâng nar?

Nơm Nti 2:11

Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 3:9

Moh ndơ nau khlay ma nơm pah kan đah nau hŏt rgănh păng nơm?

Nơm Nti 4:6

Ueh lơn bêng tâm mpang ti dơi geh nau rlu mpăn Rlau lơn jêng bêng lĕ bar mpang ti đah hŏt rgănh, Jêh ri nchuăt tĭng rlong sial khôm.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Nơm Nti 5:17

Rlau lơn đŏng, kon bunuyh mra rêh du bông rêh tâm nau ngo klĕng, Mra dơn âk nau rvê, nau rngot jêh ri nau ji nuih.

Nơm Nti 8:15

Gâp mprơ rnê nau răm maak, yor tâm dâng nar mâu geh ndơ ueh ăn ma kon bunuyh rlau lơn jêng sa, nhêt jêh ri răm maak. Nây jêng nau tâm nkrêp đah bông nar hŏt rgănh ma nau rêh Brah Ndu ăn ma kon bunuyh tâm dâng nar.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Mathay 6:11

Ăn ma hên ndơ sông sa nar aơ ăn tŏng;

Mathay 6:25

Yor ri, Gâp lah ma khân may: Lơi yor ma nau rêh rvê ir moh ndơ mra sông sa, mâu lah nhêt; lơi yor ma săk jăn rvê ir moh ndơ khân may mra nsoh n'gut. Di lĕ nau rêh khlay lơn ma ndơ sông sa, săk jăn khlay lơn ma bok ao?

Mathay 6:34

Pôri, lơi rvê ôh ma nar ôi taơ, yorlah nar ôi taơ mra rvê nar ôi taơ. Ăp nar mra geh nau jêr tâm ăp nar.”

Luka 12:22

Brah Yêsu lah ma phung oh mon: “Yor ri, Gâp lah ma khân may, lơi yor nau rêh rvê ma ndơ sông sa, mâu đŏng yor săk jăn rvê ma ndơ nsoh.

Luka 12:29

Kơt nây, khân may lơi joi ndơ sông sa, ndơ nhêt, lơi đŏng rvê rlau ir.

I Kôrintô 16:16

Gâp nti nkah khân may tông hom ma phung bunuyh nâm nđĕ, jêh ri lĕ phung bunuyh pah kan rêh ni ndrel ma khân păng.

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

I Timôthê 6:8

yor ri, geh ndơ sông sa, bok ao nsoh, nuih n'hâm maak.

I Pêtrôs 5:7

Jao hom lĕ nau rngot klâng khân may nơm ma Păng, yorlah Păng mât mray khân may ƀaƀơ.