Nơm Nti 2:17 - Nau Brah Ndu Ngơi 2023

¹⁷ Pôri, gâp tâm rmot nau rêh, yorlah đah gâp, lĕ rngôch kan pah luh tâm dâng nar mhĭk da dê; lĕ rngôch dơm dam da dê, tĭng rlong sial khôm.

Nơm Nti 2:17 Iomraidhean Croise

I Phung Hađăch 19:4

Bi păng hăn trong du nar đŏng lăp tâm bri rdah. Păng gŭ tâm dâng du tơm si n'ho toyh jêh ri mbơh sơm dăn ma păng khĭt: “Hơi Kôranh Brah! Lĕ găp jêh. Dăn ma May nglôch lơi nau rêh gâp, yorlah gâp mâu jêng ueh lơn ôh đah phung chô yau gâp.”

Ndrom Samƀŭt bơh Yôp 14:13

Ơ! Ŭch ma Kôranh Brah pôn gâp tâm ƀon phung khĭt, Nkŭm ndâp gâp kŏ tât Păng djoh nau ji nuih Jêh ri nal du rô̆ gay ma kah gĭt ma gâp!

Nau Mprơ Ơm 89:47

Ăn May kah gĭt ma nau rêh bunuyh jêng gleh ngăn! Păng njêng kon bunuyh jêng dơm dam ngăn!

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 2:11

Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 2:22

Pônây, moh ndơ kon bunuyh geh tă bơh nau kan ƀư hŏt jêh ri nuih n'hâm jâk jêr khân păng ƀư tâm dâng nar?

Nơm Nti 3:16

Gâp hôm saơ tay tâm dâng nar: Ntŭk phat dôih geh nau djơh mhĭk, Ntŭk nau di geh nau mâu sŏng.

Nơm Nti 4:2

Yor ri, gâp kơp phung bunuyh khĭt, Phung bunuyh hŏ khĭt jêh, Geh nau ueh lơn ma phung bunuyh hôm e rêh, Phung bunuyh dôl hôm e rêh.

Nơm Nti 4:3

Ƀiălah geh nau ueh lơn lĕ bar bunuyh ri Jêng bunuyh ê hŏ deh, Ê hŏ saơ lĕ nau djơh Nau geh tâm dâng nar.

Nơm Nti 6:9

Nau măt saơ ueh lơn jêng nau ŭch mâu nanê̆. Nau nây ăt jêng dơm dam, tĭng rlong sail khôm.

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Yônais 4:3

Ơ Brah Yêhôva, aƀaơ aơ gâp vơl dăn ma May sŏk hom nau rêh gâp, yorlah ma gâp, khĭt ueh lơn đah hôm rêh!”

Yônais 4:8

Tơlah luh nar, Brah Ndu rơm ăn sial duh khôm tă mpeh luh nar jêh ri nar jŭr nđat ta klơ bôk Y-Yôna kŏ tât păng huơi jêh ri păng dăn dơi khĭt jêh ri lah pô aơ: “Bi ma gâp, khĭt ueh lơn đah hôm rêh!”

Habakuk 1:3

Mâm ƀư may ăn gâp saơ nau mâu tâm di? Mâm May gŭ uănh mro ma nau bu ƀư mhĭk? Panăp gâp jêng nau ƀư rai jêh ri nau djơh mhĭk; Nau tâm djrel jêh ri nau tâm rlăch geh tât lam ntŭk.

Nau Kơp Bunuyh 11:15

Tơlah Kôranh Brah ƀư pô aơ ma gâp jêh ri tơlah gâp geh nau yô̆ tanăp măt Kôranh Brah, dăn nkhĭt hom gâp gay gâp mâu saơ ôh nau rêh ni gâp!”