Nơm Nti 2:13 - Nau Brah Ndu Ngơi 2023

¹³ Gâp saơ pô aơ nau blau mĭn geh nau khlay lơn ma nau rluk, nâm bu nau ang geh nau khlay lơn ma nau ngo.

Nơm Nti 2:13 Iomraidhean Croise

Nau Mprơ Ơm 119:105

Nau May Ngơi jêng ŭnh kađen njŭn leo jâng gâp, Nau ang ma trong gâp.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Hôr 14:8

Nau blau bơh bunuyh blau njrăng jêng nau gĭt n'hêl nê̆ trong păng, Ƀiălah nau brŭt moih bơh phung rluk jêng nau ndơm.

Nau Hôr 16:16

Dơi geh nau blau mĭn, khlay lơn ma mah chrêk! Dơi geh nau gĭt rbăng, khlay lơn ma prăk!

Nơm Nti 10:10

Măt sung lĕ ƀâl jêh lah mâu tôl drep ăn hơr, Păng mra nsan dŏng nau dăng suan âk lơn; Ƀiălah nau blau mĭn kơl bu geh nau dơi jêng.

Nơm Nti 11:7

Nau ang jêng rdơ̆ rbăn ngăn; Jêng maak răm ngăn ăn trôm măt saơ ang nar!

Nơm Nti 7:19

Nau blau mĭn ƀư ăn bunuyh blau geh nau dăng ktang Rlau lơn lĕ rngôch jât nuyh kôranh chiă uănh tâm ƀon.

Nơm Nti 9:16

Pônây, gâp ngơi pô aơ: “Nau blau mĭn ueh lơn suan ktang, ƀiălah nau blau mĭn bunuyh o ach bu mưch rmot, jêh ri nau ngơi nơm nây bu mâu geh iăt ôh.”

Nơm Nti 9:18

Nau blau mĭn ueh lơn ma lĕ rngôch moh ndô ndơ tâm lơh, Ƀiălah du huê bunuyh tih ƀư rai lơi âk ntil kan ueh.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Mathay 6:23

ƀiălah tơlah măt may chieh, lĕ săk jăn may mra jêng nau ngo. Pôri, tơlah nau ang tâm may knŏng jêng nau ngo ri mơ nau ngo nây mra toyh ngăn yơh!”

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;