Nơm Nti 2:11 - Nau Brah Ndu Ngơi 2023

¹¹ Jêh nây gâp mĭn êng lĕ rngôch kan ti gâp hŏ ƀư, jêh ri lĕ kan hŏt r'ah gâp hŏ dơn gay ƀư lĕ kan nây; ri, lĕ rngôch nau nây jêng nau dơm dam, tĭng rlong sial khôm, jêh ri mâu geh nau khlay ôh tâm dâng nar.

Nơm Nti 2:11 Iomraidhean Croise

Nau Ntơm 1:31

Brah Ndu saơ lĕ ntil ndơ Păng hŏ njêng jêh; ri, ueh ngăn ngên! Pôri, geh mhaơ jêh ri ôi. Nây jêng nar tal prao.

Nau Mprơ Ơm 89:47

Ăn May kah gĭt ma nau rêh bunuyh jêng gleh ngăn! Păng njêng kon bunuyh jêng dơm dam ngăn!

Nau Ngluh Êjipt 39:43

Y-Môis treng uănh lĕ rngôch nau kan jêh ri aơ khân păng hŏ lôch jêh nau nây tĭng nâm nau Brah Yêhôva ntĭm nti jêh. Pôri Y-Môis ăn nau ueh uĭn ma khân păng.

Nơm Nti 1:14

Gâp hŏ treng uănh lĕ rngôch nau tât geh tâm dâng nar; ri, lĕ rngôch dơm dam da dê tĭng rlong sial khôm.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 1:3

Kon bunuyh moh ndơ khlay Dôl kan hŏt rơah tâm dâng nar?

Nơm Nti 3:9

Moh ndơ nau khlay ma nơm pah kan đah nau hŏt rgănh păng nơm?

Nơm Nti 5:10

Nơm rŏng ma prăk rêl kŏ mâu mpay ma prăk rêl; Nơm rŏng ma drăp ndơ kŏ mâu mpay lĕ ma nau sa kao. Nau aơ ăt jêng dơm dam.

Nơm Nti 5:16

Aơ jêng tâm ban du nau mhĭk jru ngăn: Mâm nau păng lăp tâm nau rêh mra luh nâm bu pônây lĕ. Pôri, kon bunuyh dơn nau hŏt rgănh tĭng rlong sial khôm Geh ndơ khlay lĕ?

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?

I Timôthê 6:6

Nau klach yơk nđâp ma nuih n'hâm maak jêng nau khlay toyh.