Nơm Nti 2:1 - Nau Brah Ndu Ngơi 2023

¹ Gâp mĭn êng: “Aơ, gâp mra rlong nau răm maak jêh ri rlong nau maak!” Ri, nau nây ăt jêng dơm dam.

Nơm Nti 2:1 Iomraidhean Croise

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

II Phung Hađăch 5:5

Hađăch Aram lah: “Pôri may hăn hom, gâp mra njuăl samƀŭt ma hađăch Israel.” Pônây, Y-Naaman hăn, djôt leo ndrel păng pe rhiăng kilô prăk, prao rbăn prăk mah, jêh ri jât gu kho ao.

Nau Mprơ Ơm 10:6

Păng lah tâm nuih n'hâm: “Gâp mâu mra mpât n'gơ; Gâp mâu mra mâp nau mhĭk tât.”

Nau Mprơ Ơm 14:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch; Mâu geh du huê ƀư nau ueh ôh.

Nau Mprơ Ơm 27:8

Tơlah Kôranh Brah lah: “Khân may joi hom muh măt Gâp” Pôri nuih n'hâm gâp lah ma Kôranh Brah pô aơ: “Ơ Brah Yêhôva! Gâp mra joi muh măt May.”

Nau Hôr 14:13

Nđâp lah dôl geh nau gơm, nuih n'hâm hôm e rngot, Jêh ri dăch dŭt nau răm nây jêng nau rngot rvê.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 2:10

Gâp mâu dun ntil nau măt gâp nơm ŭch kơnh, ăt mâu king ôh nau nuih n'hâm ŭch rŏng, yorlah nuih n'hâm gâp maak ma lĕ rngôch kan hŏt gâp pah; jêh ri nây jêng nau gâp dơi geh tâm lĕ kan hŏt gâp nơm.

Nơm Nti 2:15

Yor ri gâp mĭn êng: “Nau tât ăn ma phung rluk ăt mra tât đŏng ma gâp; pôri, gâp blau mĭn ăn âk moh nau gâp ƀư?” Gâp mĭn êng: “Nây ăt jêng nau dơm dam.”

Nơm Nti 2:25

Yorlah mbu jêng bunuyh dơi sa jêh ri geh nau maak lơn ma gâp?

Nơm Nti 7:4

Nuih n'hâm nơm blau mĭn gŭ tâm ngih ndrê klâng, Bi nuih n'hâm bunuyh rluk gŭ tâm ntŭk pâl rlưn.

Nơm Nti 8:15

Gâp mprơ rnê nau răm maak, yor tâm dâng nar mâu geh ndơ ueh ăn ma kon bunuyh rlau lơn jêng sa, nhêt jêh ri răm maak. Nây jêng nau tâm nkrêp đah bông nar hŏt rgănh ma nau rêh Brah Ndu ăn ma kon bunuyh tâm dâng nar.

Êsai 5:5

Pôri aƀaơ aơ, Gâp mra ăn khân may gĭt Moh nau Gâp dăch ƀư ma đang play Gâp: Gâp mra rôk lơi n'gar păng, Gay ma bu kăp rvăn păng, Gâp mra ƀư rlâm lơi n'gar păng Gay ma bu jot lơi păng.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Êsai 50:5

Kôranh Brah jêng Brah Yêhôva hŏ pơk jêh tôr Gâp, Bi Gâp, Gâp mâu tâm rdâng ôh, Mâu lĕ Gâp plơ̆ rŭch.

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Luka 16:23

Bunuyh ndrŏng gŭ tâm ƀon phung khĭt geh nau nđêh nji, n'gơr măt uănh saơ Y-Abraham bơh ngai jêh ri Y-Lasar gŭ ta ntang ntơh păng.

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

Yakơ 4:13

Aƀaơ aơ, hơi oh nâu jêng phung bunuyh dôl lah: “Nar aơ mâu lah nar ôi taơ he mra hăn ta du ƀon ri, gŭ ta nĕ du năm, tăch rgâl jêh ri sa drăp.”

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

Yakơ 5:5

Khân may gŭ rêh sa kah vah ngi, răm maak tâm neh ntu nây; khân may mât rong lay nuih n'hâm khân may nơm tâm nar sreh nkhĭt;