Nơm Nti 12:5 - Nau Brah Ndu Ngơi 2023

⁵ Bu ăt klach ngăn dôl hao prêh, Jêh ri klach krit dôl hăn rŏ trong. Aƀaơ aơ, tơm si amandê luh kao, Phung krah ndrach nhuat jâk ngăn; Nau kơnh mâu hôm geh ôh, Yorlah aƀaơ aơ kon bunuyh hăn tât ngih păng gŭ n'ho ro, Bi phung ndrê klâng hăn ndăch jŭm lĕ trong ƀon toyh.

Nơm Nti 12:5 Iomraidhean Croise

Nau Ntơm 42:38

Ƀiălah Y-Yakôb lah: “Kon mpŏt gâp mâu mra hăn trŭnh ndrel ma khân may ôh, yorlah nâu păng hŏ khĭt jêh, knŏng hôm du huê păng aơ dơm. Tơlah rŏ trong geh nau mhĭk tât ma păng, khân may ƀư ma bunuyh bôk mbra aơ trŭnh ma ƀon phung khĭt ma nau rngot.”

Nau Ntơm 44:29

Tơlah khân may leo nơm aơ hăn ngai đŏng bơh gâp, jêh ri mâp nau mhĭk tât ma păng, pôri khân may ƀư djơh ma nơm ndra bôk aơ geh nau rngot ngăn jêh ri hăn jŭr tâm ƀon phung khĭt.’

Nau Ntơm 44:31

pôri mbơ̆ gâp mra khĭt lah păng mâu saơ ndăm jê̆ aơ. Tơlah pônây, phung oh mon may mra ƀư ma mbơ̆ ndra bôk hên, jêng oh mon may đŏng, geh nau rngot hăn jŭr tâm ƀon phung khĭt.

Ndrom Samƀŭt bơh Yôp 15:10

Ta nklang hên hôm e geh bunuyh sŏk ndra, phung kôranh bu ranh, Toyh năm lơn ma năm mbơ̆ may.

Ndrom Samƀŭt bơh Yôp 17:13

Tơlah gâp kâp gân ƀon phung khĭt jêng ngih gâp, Jêh ri lăk gre bê̆ch tâm ntŭk ngo;

Ndrom Samƀŭt bơh Yôp 30:23

Gâp gĭt Kôranh Brah mra njŭn leo gâp lăp nau khĭt, Jêng ntŭk tâm nal ăn ma lĕ rngôch bunuyh rêh.

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Hôr 16:31

Sŏk ndra mra jêng đon hađăch nau chrêk rmah, Prăp ăn ma bunuyh hăn tâm trong sŏng srăng.

Nau Hôr 20:29

N'hâm suan jêng nau chrêk ma lơp phung bu klâu ndăm, Bi sŏk ndra jêng nau yơk ma bu ranh.

Nơm Nti 9:10

Lĕ kan ti may dơi ƀư, ƀư hom lĕ nau ktang may; yorlah tâm ƀon phung khĭt, jêng ntŭk dôl may hăn tât, mâu geh nau kan, nau nchră, nau gĭt rbăng mâu lah jêng nau blau mĭn.

Êsai 46:4

Kŏ tât khân may ranh, sŏk tâm bôk luh ndra, Gâp jêng Nơm anh khân may ƀaƀơ. Gâp hŏ njêng jêh, jêh ri Gâp mra ut ra-u; Gâp mra anh jêh ri rklaih khân may.

Yêrêmi 1:11

Nau Brah Yêhôva tât đŏng ma gâp: “Y-Yêrêmi, moh ndơ may saơ?” Gâp lah: “Gâp saơ du mlâm n'gĭng tơm si amandê.”

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.