Nơm Nti 12:3 - Nau Brah Ndu Ngơi 2023

³ Tâm nar nây, bunuyh mât ngih râm nsâr, Phung bu klâu ngăch dăng mra đôn gor guyh, Lĕ bu ur kĭn tâm mpăl mra gŭ rlu yorlah hôm e ƀhôi, Phung bunuyh uănh rgăn mpông bloh măt hŏ ngo jêh.

Nơm Nti 12:3 Iomraidhean Croise

Nau Ntơm 27:1

Y-Isăk ranh jêh, măt ngo mâu hôm dơi saơ ôh. Păng kuăl Y-Êsau, kon bu klâu bôk rah, jêh ri lah: “Hơi nâu!” Y-Êsau ơh: “Gâp ta aơ.”

Nau Ntơm 48:10

Yorlah ranh jêh, măt Y-Israel ngo jêh, mâu hôm dơi saơ ôh. Y-Yôsep ăn kon păng hăn dăch Y-Israel. Păng ut jêh ri chŭm.

Nau Mprơ Ơm 102:23

Brah Ndu ƀư rdja jêh nau ktang gâp ta nklang trong; Ƀư gleh lơi nar khay gâp gŭ rêh.

Nau Mprơ Ơm 35:14

Gâp uănh khân păng nâm bu mĭt jiăng, nâm bu oh nâu. Gâp kŭnh bôk chuat hăn, rngot klâng, Nâm bu nhĭm klâng me păng.

Nau Mprơ Ơm 38:6

Gâp ji dŭt n'hâm ngăn, kuăt bŭt, kŭnh măt; Gâp chuat hăn ma nau rngot rvê ăp nar.

Sakari 8:4

Brah Yêhôva ma phung tahan lah: “Mra hôm e geh phung bu ranh bu ur, bu klâu gŭ rlu pâl tâm ăp nkual ntŭk pâl ta ƀon Yêrusalem, ăp nơm djôt mâng jra ta ti, yor păng lĕ ranh ngăn.

I Samuel 3:2

Du nar ri, dôl Y-Êli gŭ bê̆ch ta ntŭk păng vay gŭ bê̆ch, măt păng ntơm ngo jêh, mâu hôm dơi saơ ang ôh.