Nơm Nti 12:1 - Nau Brah Ndu Ngơi 2023

¹ Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Nơm Nti 12:1 Iomraidhean Croise

Nau Ntơm 39:2

Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.

Nau Ntơm 39:23

Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.

II Samuel 19:35

Nar aơ gâp geh jêh pham jât năm, hôm gĭt vât nau ueh mâu lah nau mhĭk đŏng? Oh mon may kŏ mâu hôm gĭt năl kah mâu lah sât ndô ndơ he sa jêh ri nhêt, mâu hôm geh nau maak lĕ tơlah tăng bu klâu mâu lah bu ur mpât mprơ? Pônây, mâm ƀư oh mon may ƀư tay nau jâk ma hađăch jêng kôranh gâp?

II Samuel 19:36

Oh mon may mra hăn ndrel may tât vah vang mpeh đah ri kơh krong Yurdan. Ƀiălah mâm ƀư hađăch ŭch nkhôm ăn gâp kơt nĕ?

I Phung Hađăch 14:13

Lĕ rngôch phung Israel mra nhhiăng nhĭm jêh ri tâp păng. Tâm phung jêng bunuyh ma ngih Y-Jêrôbôam, knŏng du huê păng dơm bu tâp brôi tâm môch, yorlah tâm lĕ ngih Y-Jêrôbôam păng jêng nơm hôm ƀư nau ueh ma nuih n'hâm Yêhôva Brah Ndu Israel.

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

Nêhêmi 4:14

Jêh sek uănh, gâp dâk hăn jêh ri ngơi ma phung ndrŏng, phung kôranh, jêh ri phung ƀon lan hôm e klen pô aơ: “Lơi klach ôh ma khân păng. Kah gĭt hom pô aơ Kôranh Brah jêng Nơm dŭt toyh jêh ri geh nau klach yơk, mra tâm lơh ăn ma phung oh nâu, ăn ma phung kon bu klâu, kon bu ur, ăn ma phung ur, jêh ri ma phung ngih vâl khân may.”

Ndrom Samƀŭt bơh Yôp 30:2

Nau dăng bơh khân păng moh nau khlay ăn ma gâp, Lah nau dăng khân păng mâu hôm ôh?

Nau Mprơ Ơm 119:55

Ơ Brah Yêhôva, dôl măng gâp kah gĭt tay ma amoh May Jêh ri gâp djôt prăp nau vay May.

Nau Mprơ Ơm 34:11

Hơi phung kon, iăt hom nau gâp; Gâp mra nti khân may nau klach yơk ma Brah Yêhôva.

Nau Mprơ Ơm 63:6

Dôl gŭ bê̆ch ta klơ sưng, gâp kah gĭt ma May, Jêh ri gŭ mĭn rvê ma May tâm ăp măng.

Nau Mprơ Ơm 90:10

Nar năm hên gŭ rêh dơi tât pơh jât năm, Tơlah dăng ktang jêng tât pham jât năm, Ƀiălah nau sưr păng knŏng sŏk dơn nau hŏt rơah jêh ri nau rngot, Yorlah nau rêh păng rgăn ngăch, jêh nây hên mpăr du roh.

Nau Hôr 22:6

Nti hom ăn kon se jê̆ trong păng mra tĭng, Gay nôk kêng ranh, mâu lĕ păng chalơi bơh trong nây.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nơm Nti 11:10

Pôri, ngluh lơi hom nau rŭng răng tă bơh nuih n'hâm, jêh ri mƀăr lơi nau ji tă bơh săk jăn may; yorlah năm ndăm rah jêh ri nôk mom ndăm jêng dơm dam da dê dơm.

Nơm Nti 11:2

Tâm pă hom kô̆ may ăn ma pơh mâu lah pham bunuyh, Yorlah may mâu gĭt ôh moh nau mhĭk mra tât geh ta klơ neh.

Nơm Nti 11:8

Tơlah du huê bunuyh dơi rêh jŏ năm, Maak dơn hom lĕ rngôch ăp năm nây. Ƀiălah ăn kah gĭt hom pô aơ du bông nar ngo klĕng mra hôm jong; Jêh ri lĕ nau geh tât jêng dơm dam da dê.

Êsai 26:8

Ơ Brah Yêhôva, ngăn yơh, ta trong nau May phat dôih. Hên kâp gân May; Huêng hên ji hir ma May Ma amoh May jêh ri nau kah gĭt ndray ma May.

Nau Nhĭm Vơl 3:27

Ueh ngăn yơh ăn ma bunuyh nơm Anh mâng mbăk dôl hôm e kon se,

Daniel 1:17

Brah Ndu ăn ma puăn nuyh bu klâu ndăm aơ geh nau gĭt rbăng jêh ri nau blau ngăn gĭt rbăng lĕ rngôch nau ngơi ueh ndrel nau blau mĭn. Êng ma Y-Daniel geh nau gĭt rbăng ma lĕ nau tâm saơ jêh ri nau mbơi.

Ndrom Samƀŭt bơh Ôsê 7:9

Phung bu năch hŏ rvăn jêh lĕ n'hâm suan păng Ƀiălah păng mâu gĭt ôh! Sŏk klơ bôk hŏ hon nglang jêh, Ƀiălah păng mâu gĭt!

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Luka 18:16

Ƀiălah Brah Yêsu kuăl khân păng jêh ri lah pô aơ: “Ăn phung kon se jê̆ văch ta Gâp, lơi ta buay khân păng ôh; yorlah ƀon bri hađăch Brah Ndu prăp ma phung bunuyh tâm ban ma phung kon se jê̆ nây.

Êphêsô 6:4

Hơi phung mbơ̆, lơi ƀư ma oh kon khân may ji nuih, ƀiălah mât rong hom khân păng tâm di keh jêh ri nau ntĭm nti tâm Kôranh Brah.

Nau Vay Nkah Tay 8:18

Ƀiălah ăn kah gĭt ma Yêhôva Brah Ndu khân may, yorlah Păng jêng Nơm ăn ma khân may n'hâm suan gay njêng nau ndrŏng aơ, gay ƀư nau tâm rnglăp Păng hŏ ton jêh ma phung chô yau khân may, nâm bu Păng dôl ƀư nar aơ.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.

I Samuel 1:28

Yor ri, gâp nhhơr păng ma Brah Yêhôva; păng jêng ndơ Brah Yêhôva lôch nau rêh păng.” Jêh nây kon se jê̆ Y-Samuel yơk mbah Brah Yêhôva ta nây.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.

I Samuel 2:26

Bi kon se ndăm rah Y-Samuel lơ hao toyh tâm săk jăn, lơ ƀư ueh maak nuih n'hâm Brah Ndu jêh ri lĕ rngôch bunuyh.