Nơm Nti 11:9 - Nau Brah Ndu Ngơi 2023

⁹ Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 11:9 Iomraidhean Croise

Nau Ntơm 3:6

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

Nau Ntơm 6:2

Phung kon bu klâu Brah Ndu saơ kon bu ur kon bunuyh ueh jêh ri khân păng gŭ ur sai đah mbu nơm khân păng săch gay sŏk ur.

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

I Phung Hađăch 18:27

Ta nklang bôk nar, Y-Êli mưch ma khân păng pô aơ: “Nter ăn huy hom, yorlah Baal jêng du huê brah! Klăp lah brah hôm dôl gŭ mĭn, mâu lah păng hôm e ngai, mâu lah dôl hăn njŏ trong, mâu lah păng hôm e bê̆ch jêh ri pônây rlay hom păng!”

I Phung Hađăch 22:15

Tơlah Y-Mika lĕ tât jêh, hađăch ôp ma păng: “Ơ Y-Mika, he hăn tâm lơh đah Ramôt-Gilêat, mâu lah mâu lơi hăn?” Y-Mika plơ̆ lah: “Hăn hom, hađăch mra dơi. Brah Yêhôva mra jao ƀon nây tâm ti hađăch.”

Ndrom Samƀŭt bơh Yôp 31:7

Tơlah jâng gâp chuat der bơh trong di, Nuih n'hâm gâp tĭng ma ndơ măt gâp kơnh, Jêh ri ăn ti gâp krêp tâm nau ƀơ̆ ƀơch,

Nau Mprơ Ơm 81:12

Yor nây, Gâp jao khân păng ma nau nuih n'hâm dăng khân păng, Gay ma khân păng hăn tĭng nâm khân păng nơm mĭn.

Nơm Nti 12:1

Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Nơm Nti 2:10

Gâp mâu dun ntil nau măt gâp nơm ŭch kơnh, ăt mâu king ôh nau nuih n'hâm ŭch rŏng, yorlah nuih n'hâm gâp maak ma lĕ rngôch kan hŏt gâp pah; jêh ri nây jêng nau gâp dơi geh tâm lĕ kan hŏt gâp nơm.

Nơm Nti 3:12

Pônây, gâp gĭt năl pô aơ mâu geh ndơ ueh lơn ăn ma kon bunuyh jêng răm maak jêh ri ƀư ueh lôch du njăr rêh khân păng.

Nơm Nti 3:17

Gâp mĭn êng: “Brah Ndu mra phat dôih bunuyh sŏng srăng jêh ri phung djơh mhĭk, yorlah geh năng tâm nal ăn lĕ ntil nau, lĕ rngôch kan.”

Nơm Nti 6:9

Nau măt saơ ueh lơn jêng nau ŭch mâu nanê̆. Nau nây ăt jêng dơm dam, tĭng rlong sail khôm.

Nơm Nti 7:14

Tâm nar ndrŏng, maak dơn hom, Tâm nar nau mhĭk, mĭn rvê hom; Yorlah Brah Ndu ăn lĕ bar ntil nây tât Gay ma kon bunuyh mâu dơi gĭt moh nau mra tât tâm du nar kăndơ̆.

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Nau Nhĭm Vơl 3:27

Ueh ngăn yơh ăn ma bunuyh nơm Anh mâng mbăk dôl hôm e kon se,

Nau Kơp Bunuyh 15:30

Ƀiălah mbu ŭch ƀư tih, gĭt lah bunuyh ƀon lan gŭ tâm n'gor mâu lah phung gŭ njưh ƀât lât, bunuyh nây ngơi sưr ma Brah Yêhôva jêh ri bu mra nsot lơi păng bơh phung ƀon lan Păng.

Nau Kơp Bunuyh 15:39

Ăn khân may anh mlâm grong nây gay dôl uănh saơ păng, khân may kah gĭt ma lĕ rngôch nau vay Brah Yêhôva ntăm gay tông tĭng, jêh ri mâu tĭng ndô̆ ôh nau nuih n'hâm jêh ri măt khân may nơm, jêng nau ƀư ma khân may ƀư nau văng tĭr.

Nau Kơp Bunuyh 22:32

Tông mpăr Brah Yêhôva ôp: “Mâm may dong seh bri me may pe tơ̆ jêh? Aơ, gâp hăn luh gay buay may, yorlah gâp saơ may hăn tĭng trong tih mhĭk.

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Kôranh Oh Mon 14:16

Tâm rnôk kăl e, Păng ăn ma lĕ rngôch mpôl băl bunuyh hăn tĭng trong khân păng nơm.

Kôranh Oh Mon 24:25

Ƀiălah dôl Y-Pôl ngơi ma nau sŏng srăng, ma nau di keh jêh ri ma nau phat dôih tâm nar kăndơ̆, Phêlik klach râm sâr jêh ri lah: “Sĭt hom may aƀaơ ro; tơlah gâp ru, gâp mra kuăl may.”

Samƀŭt Pôl Njuăl Ăn Ma Phung Nsing Ta Ƀon Rôm 14:10

Ƀiălah may, mâm ƀư may phat dôih oh nâu may? Mâu lah mâm ƀư may rmot ma oh nâu may? Yorlah lĕ rngôch he mra gŭ tanăp ta ntŭk ngih phat dôih Brah Ndu.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.

ហេឞ្រើ 9:27

Tĭng nâm bu hŏ nal jêh ma kon bunuyh mra khĭt du tơ̆, jêh nây dơn nau phat dôih.

Yôsuê 7:21

Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.