Nơm Nti 10:12 - Nau Brah Ndu Ngơi 2023

¹² Bâr mbung bunuyh blau mĭn ngơi luh nau bu yô̆, Ƀiălah nơm rluk ƀư rai păng nơm.

Nơm Nti 10:12 Iomraidhean Croise

II Samuel 1:16

Y-Đavit lah ma păng: “Ăn mham may nkhŭt tay ta klơ bôk may nơm! Yorlah trôm mbung may nơm lĕ nkoch ma nau tih may nơm, yorlah may hŏ lah pô aơ: ‘Gâp nkhĭt jêh nơm Brah Yêhôva tŏ jêh ma dak ƀâu kah.’”

Ndrom Samƀŭt bơh Yôp 16:5

Ƀiălah mbung gâp mra n'hao nuih khân may, Ma nau bonh leng bơh mbung gâp mra ăn hŭnh nau ji khân may.

Nau Mprơ Ơm 140:9

Nau phung mhĭk ngơi mâu ueh ma gâp Ăn tŭp ta bôk khân păng nơm!

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Mprơ Ơm 64:8

Pônây khân păng mra chêh prah, mpiăt khân păng tâm rdâng đah khân păng nơm; Ăp nơm saơ khân păng mra rteh bôk da dê.

Nau Hôr 10:10

Mbu nơm ntơ̆ măt nau djơh ƀư nau rêh ni, Jêh ri bâr mbung rluk mra rai yot.

Nau Hôr 10:8

Nuih n'hâm blau mĭn mra sŏk dơn nau vay ntăm, Ƀiălah bâr mbung nơm rluk mra rai lôch.

Nau Hôr 12:18

Nau ngơi mâu njrăng ôh jêng nâm bu ntâp ma đao, Ƀiălah mpiăt phung blau mĭn jêng djôt nau blau ƀư bah.

Nau Hôr 15:2

Mpiăt phung blau mĭn ngơi nau gĭt rbăng, Ƀiălah mbung phung rluk knŏng luh nau brŭt moih.

Nau Hôr 15:23

Mbung blau plơ̆ lah ƀư ăn bu răm maak, Nau ngơi di mông jêng ueh ngăn ngên!

Nau Hôr 19:5

Nơm mbơh mƀruh mâu dơi klaih ôh đah nau tâm rmal, Ma nơm ngơi mƀruh nchơt mâu lĕ mra dơi klaih.

Nau Hôr 22:11

Mbu nơm rŏng ma nuih n'hâm kloh rsang jêh ri bâr mbung blau yô̆, Mra dơi jan jiăng ma hađăch.

Nau Hôr 26:9

Nau ngơi hôr tâm trôm mbung phung rluk Nâm bu du mlâm lok tôt tâm ti bunuyh nhŭl ndrănh.

Nau Hôr 31:26

Trôm mbung păng mbơh ngơi nau blau mĭn, Mpiăt păng ntĭm nti nau rŏng bu.

Nơm Nti 12:11

Nau bunuyh blau mĭn nâm bu mplanh mâng loih nơm chiăp; lĕ nau hôr dơi rgum tay nâm bu kđĭn pâng nâp; yor du huê rmăk biăp mbơh jêh.

Nơm Nti 4:5

Bunuyh rluk ut ti kơr ƀlao, Ƀư rai êng păng nơm

Nơm Nti 5:2

May lơi ngăch ir hă mbung, Mâu lĕ ndal ir ngơi moh nau tanăp Brah Ndu, Yorlah Brah Ndu gŭ klơ trôk, Bi may gŭ tâm dâng neh. Pônây, djê̆ ngơi hom.

Nơm Nti 5:6

Lơi ăn trôm mbung may ƀư ăn may tih, jêh ri lơi ngơi tanăp nơm mbơh Brah Ndu pô aơ: “Nây jêng vĭ.” Mâm may ƀư ăn Brah Ndu ji nuih yor nau ngơi may, jêh ri Păng ƀư rai kan ti may?

Nơm Nti 9:17

Nau bunuyh blau mĭn dơi iăt ntŭk răk klăk Rlau lơn nau nter rgât grap tă bơh nơm ƀĭt gai phung bunuyh rluk.

Mathay 12:35

Bunuyh ueh mpơl ndơ ueh tă bơh ntŭk prăp nau ueh păng; bi bunuyh mhĭk mpơl ndơ mhĭk tă bơh ntŭk prăp nau mhĭk.

Luka 19:22

Kôranh lah: ‘Aơ oh mon djơh mhĭk! Tĭng nâm bu nau may ngơi gâp phat dôih may. Di lĕ may gĭt jêh gâp jêng du huê bunuyh dăng jâk, sŏk tâm ntŭk mâu dơm, rek tâm ntŭk mâu nsrih.

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Êphêsô 4:29

Lơi ăn du nau ngơi mhĭk luh tă bơh trôm mbung khân may ôh, ƀiălah tơlah khư ngơi, ngơi hom lĕ nau ngơi ueh, geh nau ndâk njêng gay djôt leo nau ueh tât ma phung gŭ iăt.

Kôlôh 4:6

Ăn nau khân may ngơi geh nau rdơ̆ rbăn ƀaƀơ jêh ri ƀư kah nâm bu boh gay ma khân păng gĭt mâm nau plơ̆ lah ma ăp nơm.