Nơm Nti 1:13 - Nau Brah Ndu Ngơi 2023

¹³ Gâp joi gĭt lĕ nuih n'hâm jêh ri dŏng nau blau mĭn gâp nơm gay sek uănh lĕ rngôch kan tât geh tâm dâng trôk. Nây jêng nau kan hŏt rgănh Brah Ndu hŏ jao ăn ma kon bunuyh rvê ƀư.

Nơm Nti 1:13 Iomraidhean Croise

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Ndrom Samƀŭt bơh Yôp 28:3

Bu sol tâm ntu ngo, Tĭng joi kŏ tât dŭt, Gay sŏk lŭ bơh ntŭk ngo klĕng vêt vê.

Nau Mprơ Ơm 111:2

Kan Brah Yêhôva jêng dŭt toyh ngăn; Lĕ rngôch phung rŏng ma păng tĭng joi kan nây.

Nau Hôr 18:1

Phung gŭ êng tĭng joi nau păng nơm ŭch, Tâm ndăng đah nau blau mĭn ngăn.

Nau Hôr 18:15

Nuih n'hâm bunuyh gĭt rbăng vơt dơn nau blau mĭn, Tôr bunuyh blau mĭn tĭng joi nau gĭt rbăng.

Nau Hôr 23:26

Hơi kon gâp, nhhơr hom nuih n'hâm may ma gâp, Jêh ri măt may maak rŏng hom tâm trong gâp;

Nau Hôr 25:2

Nau chrêk ma lơp bơh Brah Ndu pôn ndâp du ntil nau, Ƀiălah nau chrêk ma lơp bơh phung hađăch jêng joi saơ du ntil nau nây.

Nau Hôr 4:7

Nau blau mĭn jêng du ntil nau khlay rlau lơn, joi hom nau blau mĭn; Dŏng hom ma lĕ ndơ may geh gay rvăt nau gĭt rbăng.

Nơm Nti 1:17

Gâp nsrôih nti gĭt nau blau mĭn, nti gĭt nau rluk jêh ri nau brŭt ndrăng. Gâp dơn saơ nau nây knŏng jêng tĭng rlong sial khôm.

Nơm Nti 11:5

May mâu gĭt ôh trong sial khôm, Ăt mâu gĭt lĕ mâm bu ntreo njêng săk jăn tâm trôm ndŭl mê̆; Tâm ban nây lĕ, may mâu dơi gĭt rbăng ôh nau kan Brah Ndu Jêng Nơm rhăk njêng lĕ ntil mpô mpa.

Nơm Nti 12:12

Hơi kon gâp, njrăng hom tâm ăp ntil moh nau rlau lĕ nau ntĭm nti aơ. Ndrom samƀŭt nchih âk ngăn ngên, mâu blau lôch ôh; bi nti âk ir ƀư ăn săk jăn hŏt rgănh.

Nơm Nti 2:23

Lĕ nar, păng knŏng mâp lĕ nau rngot rvê; nau kan păng bêng ma jâk jêr, kŏ tât dôl măng nau mĭn ăt mâu dơi geh rlu ôh. Nau nây tâm ban lĕ jêng nau dơm dam.

Nơm Nti 2:26

Yor Brah Ndu ăn nau blau mĭn, gĭt rbăng jêh ri nau maak ăn ma mbu nơm ƀư ueh nuih n'hâm Păng; Ƀiălah Păng ƀư ma nơm geh tih mra hŏt rgănh prăp nkrem gay jao tay ăn ma bunuyh ƀư ueh nuih n'hâm Brah Ndu. Nau nây ăt jêng dơm dam, tĭng rlong sial khôm.

Nơm Nti 3:10

Gâp hŏ saơ jêh nau kan Brah Ndu jao ăn ma kon bunuyh ƀư nsrôih n'hâm suan.

Nơm Nti 3:11

Lĕ rngôch kan Brah Ndu hŏ ƀư jêng ueh da dê tâm rnôk păng. Nđâp tơlah Brah Ndu n'gân nau n'ho ro tâm nuih n'hâm kon bunuyh, ƀiălah khân păng ăt mâu dơi gĭt rbăng nau kan Păng ƀư ntơm bơh saơm tât nglĕ dŭt.

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Nơm Nti 4:8

Geh du huê nơm rêh êng; Mâu geh kon, ăt mâu geh oh nâu, Ƀiălah nau hŏt rgănh păng mâu rlu, Măt uănh ma drăp ndơ mâu blau dĭl; Păng mâu ôp êng pô aơ: “Gâp mra dơn hŏt rgănh, Đă gâp nơm chalơi nau ueh maak ma mbu moh yor?” Aơ ăt jêng nau dơm dam, Nanê̆ ngăn jêng nau kan dŭt hŏt.

Nơm Nti 7:25

Gâp nsrôih joi gay ma gĭt, sek uănh, Jêh ri tĭng joi nau blau mĭn ndrel nau di lĕ rngôch ndơ; Gâp gĭt năl pô aơ nau djơh jêng nau rluk, Nau rluk mâl jêng nau brŭt ndrăng.

Nơm Nti 8:9

Gâp hŏ saơ lĕ rngôch nau nây dôl nuih n'hâm ŭch mĭn đah lĕ nau kan tât geh tâm dâng nar. Geh tơ̆ bunuyh aơ chiă uănh ta klơ bunuyh ri, jêh ri ƀư ăn bunuyh nây geh nau mhĭk.

I Timôthê 4:15

Ƀư hom jêh ri gơih mĭn ma lĕ nau nây, gay lĕ rngôch bunuyh saơ nau may lĕ hao.