Nêhêmi 9:8 - Nau Brah Ndu Ngơi 2023

⁸ Kôranh Brah saơ nuih n'hâm păng răp jăp tanăp măt Kôranh Brah Jêh ri May hŏ ƀư jêh nau tâm rnglăp đah păng Ton ăn ma noi deh păng tâm n'gor phung ƀon lan Kanaan, phung ƀon lan Hitit, phung ƀon lan Amôrit, phung ƀon lan Pêrisit, phung ƀon lan Jêbusit, jêh ri phung ƀon lan Girgasit. Kôranh Brah hŏ ƀư tât di ngăn jêh nau Kôranh Brah ton, yorlah Kôranh Brah jêng sŏng srăng.

Nêhêmi 9:8 Iomraidhean Croise

Nau Ntơm 12:7

Brah Yêhôva tâm mpơl ma Y-Abram jêh ri lah: “Gâp mra ăn n'gor aơ ma noi deh May.” Ta aơ, Y-Abram ndâk du mlâm nơng ƀư brah ăn ma Brah Yêhôva, jêng Nơm hŏ tâm mpơl ma păng.

Nau Ntơm 15:6

Y-Abram chroh ma Brah Yêhôva, rĭ dĭng Kôranh Brah kơp păng jêng bunuyh sŏng srăng.

Nau Ntơm 22:12

Tông mpăr lah: “Lơi ƀư nau mhĭk kon se nây jêh ri kŏ mâu đŏng ƀư du ntil nau ma păng. Aƀaơ aơ, Gâp gĭt ngăn may klach yơk ngăn ngên ma Brah Ndu, yorlah may mâu nhhuach ôh kon nguay may ma Gâp, nđâp lah knŏng du huê nây dơm.”

II Samuel 22:31

Bi ma Brah Ndu, lĕ trong Păng jêng nŭm rĭng, Nau Brah Yêhôva hŏ geh nau rlong uănh kloh jêh. Păng jêng khêl ma lĕ rngôch bunuyh nde krap tâm Păng.

I Nau Rêh Jêng 1:14

jêh ri phung Jêbusit, phung Amôrit, phung Girgasit,

I Nau Rêh Jêng 16:16

Jêng nau Păng tâm rnglăp hŏ ƀư jêh đah Y-Abraham, Hŏ sơm ton ma Y-Isăk,

Êsra 9:15

Hơi Yêhôva Brah Ndu phung Israel, Kôranh Brah jêng sŏng srăng! Hên jêng phung hôm e klen djê̆, tâm ban hŏ saơ nar aơ. Aơ hên gŭ tanăp măt Kôranh Brah, bêng ma nau tih, nđâp lah mâu geh du huê nuyh ôh dơi gŭ tanăp măt May tâm nau tâm ban pônây.”

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nau Mprơ Ơm 116:5

Brah Yêhôva vay ƀư ueh jêh ri jêng sŏng srăng; Brah Ndu he geh nuih n'hâm yô̆ nđach.

Nau Ngluh Êjipt 3:17

Gâp ton ngăn Gâp mra ngluh khân may bơh nau rêh ni tâm n'gor Êjipt jêh ri djôt leo khân may lăp ta n'gor phung Kanaan, phung Hitit, phung Amôrit, phung Pêrisit, phung Hivit, jêh ri phung Jêbusit, jêng n'gor neh bêng ma dak toh jêh ri dak sŭt.’

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Êsêkiêl 33:24

“Hơi kon bunuyh, phung gŭ tâm ntŭk rlâm rai ta bri Israel lah pô aơ: ‘Y-Abraham knŏng du huê păng ƀiălah hŏ dơi sŏk dơn jêh bri neh aơ. Bi ma he âk bunuyh n'hêl nanê̆ bri aơ mra dơi ăn ma he ƀư jêng drăp ndơn.’

Nau Kơp Bunuyh 13:29

Phung Amalek gŭ ta Nêgep; phung Hitit, phung Jêbusit jêh ri phung Amôrit gŭ tâm n'gor klơ dor yôk; jêh ri phung Kanaan gŭ dăch dak mƀŭt jêh ri njŏ tĭng kơh dak krong Yurdan.”

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

Nau Vay Nkah Tay 26:3

Khân may mra hăn tât tâm mâp đah kôranh ƀư brah gŭ ƀư kan nôk nây jêh ri lah ma păng: ‘Nar aơ gâp mbơh nar ma Yêhôva Brah Ndu he nau gâp hŏ lăp jêh tâm n'gor Yêhôva hŏ ton jêh ma phung chô yau he mra ăn ma he.’

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Vay Nkah Tay 7:1

“Lah Yêhôva Brah Ndu khân may hŏ njŭn khân may lăp tâm n'gor khân may bơi sŏk dơn gay jêng drăp ndơn, Păng mra mprơh tă bơh tanăp khân may âk phung ndŭl mpôl tâm ban phung Hitit, phung Girgasit, phung Amôrit, phung Kanaan, phung Pêrisit, phung Hivit jêh ri phung Jêbusit, jêng pơh ndŭl mpôl ktang lơn jêh ri âk lơn ma khân may.

Nau Vay Nkah Tay 9:5

Mâu di yor nau sŏng srăng mâu lah nuih n'hâm song bơh khân may, dĭng khân may lăp pit sŏk n'gor lĕ phung ƀon lan nây; ƀiălah yor nau ƀai khân păng dĭng Yêhôva Brah Ndu mra nsot lơi khân păng luh bơh tanăp khân may gay ƀư nau gĭt mbên nanê̆ nau Păng ton jêh ma phung chô yau khân may jêng Y-Abraham, Y-Isăk, jêh ri Y-Yakôb.

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

ហេឞ្រើ 11:17

Yor ma nau chroh Y-Abraham nhhơr Y-Isăk dôl geh nau rlong uănh. Păng rơm ndrăp nhhơr kon dul hŏ dơn jêh tĭng nau ton,

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.

Yôsuê 11:3

Hađăch prơh đŏng phung hăn mbơh văch ta phung ƀon lan Kanaan mpeh luh nar jêh ri mpeh nhâp nar, văch tât ta phung Amôrit, phung Hitit, phung Pêrisit, phung Jêbusit gŭ tâm n'gor klơ dor yôk, jêh ri tât ta phung Hivit gŭ ta tâm dâng jâng yôk Hermôn, tâm n'gor Mispa.

Yôsuê 23:14

Aƀaơ ri gâp dăch hăn tâm trong lĕ phung neh ntu vay hăn. Pôri ma lĕ nuih n'hâm, ma lĕ huêng gĭt năl hom lĕ nau ueh Yêhôva Brah Ndu khân may hŏ ntăm jêh ma khân may, mâu geh du ntil nau mâu di, ƀiălah lĕ rngôch tât di ngăn jêh ma khân may. Nanê̆, mâu geh du ntil nau mâu di.

Yôsuê 9:1

Tơlah tăng nau nây, lĕ rngôch phung hađăch gŭ kơh ri dak krong Yurdan, mâu lah gŭ ta klơ yôk, tâm dâng jâng yôk, mâu lah rgŏ kơh Dak Mƀŭt Toyh tâm tham ma Liban, jêng phung hađăch phung Hitit, phung Amôrit, phung Kanaan, phung Pêrisit, phung Hivit jêh ri phung Jêbusit,

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.