Nêhêmi 9:37 - Nau Brah Ndu Ngơi 2023

³⁷ Yor ma nau tih hên, kao play rmeh ler nây mpeh ma phung hađăch Kôranh Brah hŏ ƀư jêh ma hên. Khân păng geh nau dơi chiă uănh săk jăn hên jêh ri mpô mpa hên rong, ƀư moh nau tĭng nâm khân păng ŭch. Hên dôl gŭ tâm nau rêh ni toyh.

Nêhêmi 9:37 Iomraidhean Croise

Êsra 4:13

Pôri, ăn hađăch gĭt pô aơ tơlah ƀon aơ hŏ ndâk đŏng tât lôch jêh, jêh ri mpêr ƀon nkra ndâk tay, nanê̆ khân păng mâu mra nhhơr ndơ, chê̆ pi ôh, mâu lah chê̆ prăk ma nau rvăt samƀŭt rsong trong, jêh nây n'hêl nanê̆ prăk tâm ngih hađăch mra hŭch.

Êsra 6:8

Aơ jêng nau gâp ntrŭnh tât ma nau kan ma khân may mra ƀư đah phung bu ranh phung Yuđa tâm nau ndâk nkra đŏng ngih Brah Ndu aơ: Sŏk dŏng hom prăk ngih hađăch bơh lĕ kô̆ prăk pi tâm n'gor mpeh nhâp nar Dak Krong Ơphrat gay nkhôm rĭng lĕ rnoh prăk ndâk ma phung nây, lơi ăn nau kan tăch yơt hêng.

Êsra 7:24

Tâm ban lĕ gâp mbơh đŏng ma phung khân may gĭt, mâu dơi vay sŏk pi mâu lah prăk rvăt samƀŭt rsong trong bơh phung kôranh ƀư brah, phung Lêvi, phung kâp mprơ, phung gak njrăng mpông pêr, phung pah kan tâm ngih brah mâu lah bơh phung pah kan êng tâm Brah Ndu.

Nêhêmi 5:8

Gâp lah: “Hên hŏ ƀư lĕ suan gay chuai tay oh nâu he, jêng phung Yuđa, bu tăch jêh ma phung mpôl băl êng, jêh ri mâm khân may ŭch tăch đŏng phung oh nâu khân may gay ma bu rvăt?” Khân păng gŭ klêm yorlah mâu gĭt ngơi du bâr ôh.

Nau Nhĭm Vơl 5:5

Phung tĭng lĕ ban jêh hên mpet trô ko hên; Hên rgănh huăr jêh mâu geh rlu ôh!

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Yôhan 8:33

Phung Yuđa lah: “Hên jêng phung kon sau Y-Abraham, mâu mâp jêng dĭk bu ôh, mâm ƀư May lah: ‘Khân may mra jêng kon me’?”

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Nau Vay Nkah Tay 28:39

Khân may mra tăm jêh ri mât đang krăk ƀâu ƀiălah mâu geh play gay pĕ jêh ri ndrănh gay nhêt, yorlah ndrŭng mra sa lĕ jêh.

Nau Vay Nkah Tay 28:48

yor ri tâm nau sa sât ji ngot, nau kuh rhôk jêh ri nau pưt kƀah ăp ntil ndơ, ăn khân may pah kan ma phung rlăng Brah Yêhôva njuăl khân păng tât gay lơh khân may. Păng mra dơm mbăk loih ta trô ko khân may kŏ tât ƀư rai lơi khân may.

Nau Vay Nkah Tay 28:51

Khân păng mra sa mpô mpa rong, play kao bơh neh khân may kŏ tât khân may rai lôch. Khân păng mâu mra lơi ôh ma khân may ba, ndrănh, dak ngi, ndrôk kon mâu lah biăp kon kŏ tât khân may rai lôch.