Nêhêmi 9:35 - Nau Brah Ndu Ngơi 2023

³⁵ Tâm nôk hôm gŭ tâm n'gor bri, Maak dơn âk ngăn nau ueh tâm n'gor huy ngăn jêh ri ndrŏng, Kôranh Brah hŏ ăn jêh ma khân păng, Khân păng mâu đŏng pah kan ma Kôranh Brah, jêh ri mâu chalơi lĕ nau kan djơh mhĭk khân păng.

Nêhêmi 9:35 Iomraidhean Croise

Nêhêmi 9:25

Khân păng sŏk jêh lĕ rplay ƀon pôih nâp ngăn, Neh ueh ngăn, ngih bêng ăp ntil ndơ ueh, Lĕ ntu dak kuyh jêh, Đang krăk ƀâu, đang ôlive jêh ri tơm play âk ngăn. Khân păng sa kŏ hơm jêh ri jêng lay ueh; Khân păng răm maak tâm nau ueh toyh ngăn bơh May.

Nêhêmi 9:34

Phung hađăch, phung kôranh chiă uănh, phung kôranh ƀư brah jêh ri phung chô yau hên Mâu djôt prăp ôh nau vay Kôranh Brah, Mâu lĕ tông tĭng lĕ nau vay ntăm jêh ri lĕ nau mbơh Kôranh Brah lah jêh ma khân păng.

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Nau Vay Nkah Tay 28:47

Yorlah nôk geh rmeh ler, khân may mâu ôh yơk mbah ma Yêhôva Brah Ndu khân may ma lĕ nuih n'hâm hâk răm ueh maak,

Nau Vay Nkah Tay 28:48

yor ri tâm nau sa sât ji ngot, nau kuh rhôk jêh ri nau pưt kƀah ăp ntil ndơ, ăn khân may pah kan ma phung rlăng Brah Yêhôva njuăl khân păng tât gay lơh khân may. Păng mra dơm mbăk loih ta trô ko khân may kŏ tât ƀư rai lơi khân may.

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”