Nêhêmi 9:31 - Nau Brah Ndu Ngơi 2023

³¹ Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Nêhêmi 9:31 Iomraidhean Croise

II Phung Hađăch 13:23

Ƀiălah Brah Yêhôva ăt ƀư ueh ma khân păng. Păng yô̆ nđach jêh ri uănh treng khân păng yor nau tâm rnglăp Păng hŏ ƀư jêh đah Y-Abraham, Y-Isăk jêh ri Y-Yakôb. Păng mâu ŭch ƀư rai khân păng, jêh ri n'ho tât ma nar aơ, mâu lĕ mprơh khân păng roh panăp măt Păng.

II Nau Rêh Jêng 30:9

Yorlah tơlah khân may plơ̆ sĭt ma Brah Yêhôva, phung oh nâu khân may, jêh ri phung kon khân may mra geh nau yô̆ tanăp măt phung nhŭp khân păng, jêh ri khân păng mra dơi plơ̆ sĭt tâm n'gor aơ. Yêhôva Brah Ndu khân may geh nuih n'hâm ueh jêh ri vay yô̆ nđach, mâu mra ndôn kơi bơh khân may, tơlah khân may plơ̆ sĭt ma Păng.”

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Nêhêmi 9:19

Kôranh Brah ăt yô̆ nđach, mâu chalơi ôh khân păng tâm bri rdah. N'gâng tŭk njŭn trong nôk nar, mâu nkhah bơh khân păng, N'gâng ŭnh nchrat ang dôl bri măng ta klơ trong ăn khân păng dơi hăn.

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Yêrêmi 4:27

Brah Yêhôva lah: “Lam neh mra rngol, Ƀiălah Gâp mâu ƀư rai tât lôch ôh.

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Yêrêmi 5:18

Brah Yêhôva lah: “Nđâp lah pônây, tâm lĕ nar nây, Gâp mâu mra nkhĭt lĕ khân may ôh.

Nau Nhĭm Vơl 3:22

Yor nuih n'hâm ueh Brah Yêhôva hên mâu geh nau rai yot ôh, Nau Păng yô̆ nđach mâu blau lôch ôh.

Daniel 9:9

Nau yô̆ nđach jêh ri yô̆ an jêng tâm Kôranh Brah da dê jêng Brah Ndu hên, yorlah hên ƀư nau tâm rdâng jêh đah May.

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”