Nêhêmi 9:29 - Nau Brah Ndu Ngơi 2023

²⁹ Kôranh Brah mbơh đŏng ăn khân păng njrăng, gay ƀư ăn khân păng plơ̆ sĭt ma nau vay May. Ƀiălah khân păng gŭ ngao ma nau sưr, mâu tông tĭng ôh ma nau vay ntăm bơh Kôranh Brah. Khân păng ƀư tih đah nau vay ƀư bơh Kôranh Brah, jêng nau vay ƀư ngăn tơlah mbu nơm tông, nanê̆ mra dơi rêh. Khân păng dăng bôk, dăng ko jêh ri mâu ŭch tông bâr ôh.

Nêhêmi 9:29 Iomraidhean Croise

II Phung Hađăch 17:13

Ƀiălah, Brah Yêhôva hŏ dŏng nơm mbơh lor, nơm geh nau tâm saơ gay mbơh ma phung ma phung Israel jêh ri phung Yuđa pô aơ: “Chalơi hom bơh trong djơh mhĭk khân may! Djôt prăp hom nau vay ntăm jêh ri nau vay bơh Gâp, tĭng nâm lĕ nau vay Gâp ntrŭnh ma phung chô yau khân may, jêh ri lĕ nau Gâp hŏ dŏng oh mon Gâp jêng phung nơm mbơh lor ngơi ma khân may.”

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Nau Rêh Jêng 24:19

Brah Yêhôva đă phung nơm mbơh lor tât ma khân păng, gay njŭn leo khân păng plơ̆ tay ma Brah Yêhôva, ƀiălah khân păng mâu iăt ôh.

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

II Nau Rêh Jêng 36:15

Yêhôva Brah Ndu phung chô yau khân păng yorlah geh nau yô̆ ma phung ƀon lan Păng jêh ri ngih brah Păng ri dĭng Păng đă phung mbơh văch ta khân păng ƀaƀơ.

Nêhêmi 13:15

Tâm lĕ nar nây, gâp saơ tâm phung Yuđa geh bunuyh kĭn play krăk ƀâu tâm nar saƀat, bun lĕ nchăp ba ƀlê klơ ndŭr kơi seh bri, tâm ban đŏng rdeng ndrănh, play krăk ƀâu, play rvi jêh ri ăp ntil kao play, leo rlet ma Yêrusalem tâm nar saƀat. Gâp mbơh jêh ma khân păng, mâu dơi tăch lĕ ndơ sông sa nây tâm nar saƀat.

Nêhêmi 9:10

Păng ƀư mpơl nau mbên âk ntil jêh ri nau mbên mha tâm rdâng đah Pharaôn, Jêh ri phung oh mon păng jêh ri lĕ rngôch phung ƀon lan tâm bri dak, Yorlah Kôranh Brah gĭt khân păng hŏ ƀư djơh rlau keh ir ma chô yau hên. Kôranh Brah ƀư ăn lư n'găr amoh Kôranh Brah tât nâm bu ta nar aơ.

Nêhêmi 9:16

Ƀiălah chô yau hên gŭ ngao ma nau sưr jêh ri dăng ko, Mâu iăt ôh lĕ nau vay ntăm bơh May ntĭnh.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 42:19

Ơ phung Yuđa hôm e klen, Brah Yêhôva hŏ lah jêh ma khân may: ‘Lơi ta hăn ôh ma n'gor bri Êjipt.’ Ăn khân ay may gĭt rah vah ngăn nar aơ gâp mbơh jêh ăn ma khân ay may.

Yêrêmi 43:2

pôri Y-Asaria, kon bu klâu Y-Hôsaya, jêh ri Y-Jôhanan, kon bu klâu Y-Karêa, ndrel ma phung nklă êng, lah ma Y-Yêrêmi: “May ngơi mƀruh! Yêhôva Brah Ndu hên mâu prot prơh ôh păng ngơi đah hên: ‘Mâu dơi hăn tât ôh ma bri Êjipt ŭch gŭ ta nây.’

Yêrêmi 44:10

Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Êsêkiêl 20:11

Gâp ăn jêh ma khân păng nau vay dăp Gâp jêh ri ƀư ăn ma khân păng gĭt nau vay ƀư bơh Gâp gay ma bunuyh tĭng nau ƀư nây, ri mơ dơi rêh.

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Kan Lêvi 18:5

Pôri ăn khân may djôt prăp nau vay jêh ri lĕ nau vay Gâp ƀư jêh; mbu nơm ƀư tĭng nau nây mra geh nau rêh tă bơh nĕ. Gâp jêng Brah Yêhôva.

Mathay 19:17

Brah Yêsu lah: “Mâm ƀư may ôp Gâp ma nau ueh? Knŏng geh du huê dơm Nơm jêng ueh. Tơlah may ŭch lăp tâm nau rêh, djôt prăp hom lĕ nau vay.”

Luka 10:28

Brah Yêsu lah: “May plơ̆ lah di ngăn. Ƀư hom nau nây ri mơ may mra rêh.”

Samƀŭt Pôl Njuăl Ăn Ma Phung Nsing Ta Ƀon Rôm 10:5

Y-Môis nchih jêh nau sŏng srăng tât tă bơh nau vay pô aơ mbu nơm ƀư tĭng lĕ nau nây mra geh nau rêh tă bơh nĕ.

Galati 3:12

Nau vay mâu jêng nâm bu nau chroh ôh; ƀiălah geh nchih: “Mbu nơm ƀư tĭng nau vay mra geh nau rêh tă bơh nĕ.”

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.

Phung Kôranh Phat Dôih 6:10

Gâp lah ma khân may: ‘Gâp jêng Yêhôva Brah Ndu ma khân may, lơi ta klach yơk ôh ma brah phung Amôrit tâm n'gor khân păng ntŭk khân may dôl gŭ.’ Ƀiălah khân may mâu ŭch iăt ôh bâr Gâp!”