Nêhêmi 9:26 - Nau Brah Ndu Ngơi 2023

²⁶ Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nêhêmi 9:26 Iomraidhean Croise

I Phung Hađăch 14:9

Ƀiălah may hŏ ƀư nau mhĭk jêh rlau lơn ma phung lor panăp may, njêng ma may nơm phung brah êng, rup tŏ chiăr gay nsônh nau ji nuih Gâp jêh ri dun mƀăr lơi Gâp.

I Phung Hađăch 18:13

Tơlah H'Jêsêbel nkhĭt phung nơm mbơh lor Brah Yêhôva, gâp hŏ leo pôn jêh du rhiăng nuyh nơm mbơh lor Brah Yêhôva tâm bar trôm lŭ, ăp trôm prăm jât nuyh, djôt leo piăng let jêh ri dak nhêt gay siăm ma khân păng. Mâu hĕ bu nkoch nau nây ma kôranh gâp gĭt lĕ?

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 19:10

Păng plơ̆ lah: “Gâp khŏm nsrôih ngăn ma Yêhôva Brah Ndu ma phung tahan. Yorlah phung ƀon lan Israel lĕ chalơi jêh nau tâm rnglăp đah May, ƀư rai lĕ nơng ƀư brah May, sŏk đao nkhĭt lơi phung nơm mbơh lor May; knŏng êng du huê gâp hôm e klen, jêh ri khân păng dôl tĭng joi gay nglôch lơi nau rêh gâp.”

II Phung Hađăch 21:10

Brah Yêhôva hŏ dŏng nơm mbơh lor, jêng phung oh mon Păng lah pô aơ:

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nêhêmi 9:18

Nđâp tơlah khân păng hŏ tŏ jêh du mlâm rup ndrôk nkuăng jêh ri lah: ‘Aơ jêng brah hŏ njŭn khân may luh bơh Êjipt’ Jêh ri ngơi sưr ma Kôranh Brah,

Nêhêmi 9:29

Kôranh Brah mbơh đŏng ăn khân păng njrăng, gay ƀư ăn khân păng plơ̆ sĭt ma nau vay May. Ƀiălah khân păng gŭ ngao ma nau sưr, mâu tông tĭng ôh ma nau vay ntăm bơh Kôranh Brah. Khân păng ƀư tih đah nau vay ƀư bơh Kôranh Brah, jêng nau vay ƀư ngăn tơlah mbu nơm tông, nanê̆ mra dơi rêh. Khân păng dăng bôk, dăng ko jêh ri mâu ŭch tông bâr ôh.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Nau Mprơ Ơm 50:17

Yor may tâm rmot nau nkra nti, Mƀăr lơi pakơi lĕ nau Gâp lah.

Yêrêmi 16:11

May ngơi hom ma khân păng pô aơ Brah Yêhôva lah: ‘Yor phung chô yau khân may hŏ chalơi jêh Gâp tĭng lĕ brah êng, hŏ pah kan jêh ri yơk mbah ma lĕ brah nây. Khân păng hŏ chalơi jêh Gâp, mâu djôt prăp ôh nau vay Gâp.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 42:19

Ơ phung Yuđa hôm e klen, Brah Yêhôva hŏ lah jêh ma khân may: ‘Lơi ta hăn ôh ma n'gor bri Êjipt.’ Ăn khân ay may gĭt rah vah ngăn nar aơ gâp mbơh jêh ăn ma khân ay may.

Nau Nhĭm Vơl 3:42

“Hên hŏ ƀư tih jêh ri tâm rdâng jêh, May mâu yô̆ an ôh!

Êsêkiêl 20:21

Ƀiălah phung kon sau khân păng tâm rdâng jêh đah Gâp, khân păng mâu hăn tĭng nau vay dăp Gâp, mâu djôt prăp ôh nau vay ƀư bơh Gâp, jêng ntil nau bunuyh tông dơi rêh, jêh ri khân păng ƀư tih lĕ nar saƀat Gâp đŏng. Rnôk nây, Gâp lah Gâp mra nkhŭt nau Gâp ji nuih ta klơ khân păng, nkhŭt lĕ nau Gâp ji nuih tâm rdâng đah khân păng tâm bri rdah.

Mathay 21:35

Ƀiălah khân păng nhŭp phung oh mon, lơh bunuyh aơ, nkhĭt bunuyh ri, jêh ri klŭp lŭ ma bunuyh tê̆.

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Phung Kôranh Phat Dôih 10:6

Phung ƀon lan Israel plơ̆ ƀư tay nau djơh tanăp măt Brah Yêhôva. Khân păng pah kan ma brah Baal jêh ri brah Astarôt, nđâp lĕ brah phung ƀon lan Aram, lĕ brah phung ƀon lan Sidôn, lĕ brah phung ƀon lan Môap, lĕ brah phung ƀon lan Ammôn, jêh ri lĕ brah phung ƀon lan Philistin. Khân păng chalơi Brah Yêhôva, mâu hôm ôh pah kan ma Păng.