Nêhêmi 9:25 - Nau Brah Ndu Ngơi 2023

²⁵ Khân păng sŏk jêh lĕ rplay ƀon pôih nâp ngăn, Neh ueh ngăn, ngih bêng ăp ntil ndơ ueh, Lĕ ntu dak kuyh jêh, Đang krăk ƀâu, đang ôlive jêh ri tơm play âk ngăn. Khân păng sa kŏ hơm jêh ri jêng lay ueh; Khân păng răm maak tâm nau ueh toyh ngăn bơh May.

Nêhêmi 9:25 Iomraidhean Croise

I Phung Hađăch 14:9

Ƀiălah may hŏ ƀư nau mhĭk jêh rlau lơn ma phung lor panăp may, njêng ma may nơm phung brah êng, rup tŏ chiăr gay nsônh nau ji nuih Gâp jêh ri dun mƀăr lơi Gâp.

I Phung Hađăch 8:66

Lăp nar rơh pham, hađăch ăn phung ƀon lan hăn sĭt. Khân păng ăn nau ueh uĭn ma hađăch jêh nây hăn sĭt rlet ngih vâl khân păng nơm, nuih n'hâm hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, oh mon Păng, jêh ri ma Phung ƀon lan Israel Păng.

Nêhêmi 9:35

Tâm nôk hôm gŭ tâm n'gor bri, Maak dơn âk ngăn nau ueh tâm n'gor huy ngăn jêh ri ndrŏng, Kôranh Brah hŏ ăn jêh ma khân păng, Khân păng mâu đŏng pah kan ma Kôranh Brah, jêh ri mâu chalơi lĕ nau kan djơh mhĭk khân păng.

Nau Mprơ Ơm 105:44

Păng sŏk neh lĕ bri dak ăn ma khân păng, Jêh ri ăn ma khân păng sŏk play bơh kan phung mpôl băl êng

Nau Mprơ Ơm 65:11

May sŏk nau ueh ƀư đon hađăch ndô ma năm khay; Lĕ nhuat May hăn rgăn ƀư ma neh jêng ueh.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Êsai 63:7

Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 31:14

Gâp mra ăn ma phung kôranh ƀư brah ndơ sông sa lay rmeh ler; Phung ƀon lan Gâp mra bêng ler tâm nau ueh Gâp,” Brah Yêhôva lah pônây.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Êsêkiêl 20:6

Tâm nar nây, Gâp ton ma khân păng pô aơ Gâp mra djôt leo luh tă bơh n'gor bri Êjipt gay ma lăp tâm du n'gor bri Gâp joi rơm ndrăp ăn ma khân păng, du n'gor bri, jêng bri geh dak toh jêh ri dak sŭt, bri ueh lơn tâm lĕ rngôch bri.

Daniel 11:24

Hađăch nây mra lăp lơh ndal lĕ ntŭk neh âk rmeh lơn tâm n'gor jêh ri mra ƀư nau mbơ̆ păng, phung che păng mâu mâp ƀư. Păng djôt pit in drăp ndơ, lĕ ndô ndơ hŏ dơi sŏk pit jêh ri pă drăp ndơ ma phung tĭng ndô̆ păng. Păng nchră ƀư nau hăn lơh lĕ pôih, ƀiălah tâm du mông ƀât lât dơm.

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Nau Vay Nkah Tay 3:5

Lĕ rngôch ƀon toyh nây nâp da dê, geh pêr prêh, mpông pêr geh mâng nđăng. Rlau ma nây geh âk ƀon jê̆ jê̆ mâu geh ôh pêr văr jŭm.

Nau Vay Nkah Tay 32:13

Păng ƀư ăn khân păng hao ăp ntŭk prêh tâm n'gor, Sa jêh kao play bơh tâm mir, Păng ăn ma khân păng djrêp dak sŭt tă bơh lŭ toyh, Jêh ri dak ngi brul luh bơh lŭ dăng;

Nau Vay Nkah Tay 32:14

Sa dak toh ndrôk kŏt, dak toh ndrêh bơh biăp, Ndrel ma ngi biăp kon jêh ri biăp nkuăng Bơh phung ndrôk jêh ri be bơh n'gor Basan, Ndrel ma ba ƀlê ueh lơn. Khân may mra nhêt ndrănh krăk ƀâu mâu geh rlŭk chăng tâm ban ma mham.

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.