Nêhêmi 9:22 - Nau Brah Ndu Ngơi 2023

²² Khân păng hŏ pit sŏk jêh n'gor Hêsbôn hađăch Y-Sihôn, Jêh ri n'gor Basan hađăch Y-Ôk. Kôranh Brah hŏ ăn jêh ma khân păng âk bri dak Jêh ri tâm pă lĕ bri ngai nây ăn ma khân păng.

Nêhêmi 9:22 Iomraidhean Croise

Nau Mprơ Ơm 105:44

Păng sŏk neh lĕ bri dak ăn ma khân păng, Jêh ri ăn ma khân păng sŏk play bơh kan phung mpôl băl êng

Nau Mprơ Ơm 78:65

Aƀaơ aơ, Kôranh Brah nâm bu bunuyh kah rngăl bê̆ch, Nâm bu du huê janh ktang dơi đah nhŭl ndrănh.

Yêrêmi 27:5

‘Gâp yơh jêng Nơm dŏng nau brah dŭt toyh jêh ri ling tur ti rhăk njêng rplay neh, kon bunuyh jêh ri mpô mpa ta neh ntu, jêh ri jao neh ntu nây ăn ma mbu tĭng nau mĭn Gâp.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Nau Vay Nkah Tay 1:4

Nau aơ tât jêh păng dơi lơh đah Y-Sihôn hađăch phung Amôrit, gŭ ta Hêsbôn, jêh ri Y-Ôk hađăch n'gor Basan, gŭ ta Astarôt jêh ri ta Êdrei.

Nau Vay Nkah Tay 32:26

Gâp ŭch mĭn jêh: ‘Gâp mra nchah rai khân păng ăp ntŭk, Jut ƀhiau nau ndray ma khân păng bơh phung bunuyh.’

Nau Vay Nkah Tay 4:46

dôl khân păng hôm gŭ mpeh đah ri dak krong Yurdan, tâm rlŭng tâm tham đah Bet-Pêôr. Aơ jêng neh Y-Sihôn, hađăch phung Amôrit, nơm hŏ chiă uănh ta ƀon toyh Hêsbôn, Y-Môis n'hanh phung Israel tâm lơh kŏ dơi jêh, nôk khân păng luh bơh n'gor Êjipt.

Nau Vay Nkah Tay 4:47

Phung ƀon lan Israel hŏ pit sŏk jêh n'gor hađăch nây nđâp ma n'gor Y-Ôk tâm ban đŏng, hađăch n'gor Basan. Nây jêng bar hê hađăch phung Amôrit gŭ mpeh đah ri dak krong Yurdan mpeh luh nar.

Yôsuê 10:11

Dôl khân păng nchuăt du panăp phung Israel, Brah Yêhôva ƀư ăn lŭ toyh tă bơh trôk tŭp ta trong ntơm bơh sop Bet-Hôron tât ta Asêka, jêh ri khân păng khĭt da dê. Rnoh phung khĭt yor mih tŭp pler jêng âk lơn ma rnoh phung khĭt ma đao phung tahan Israel.

Yôsuê 11:23

Pônây Y-Yôsuê pit sŏk lĕ n'gor tĭng nâm lĕ nau Brah Yêhôva ntĭnh ntăm jêh ma Y-Môis, jêh ri ăn bri nây ma phung Israel jêng drăp ndơn, tĭng nâm nau tâm pă ma ăp ndŭl mpôl khân păng. Jêh nau nây, n'gor geh nau đăp mpăn, mâu hôm geh nau tâm lơh.