Nêhêmi 9:21 - Nau Brah Ndu Ngơi 2023

²¹ Kôranh Brah mât siăm khân păng puăn jât năm tâm bri rdah: Khân păng mâu pưt du ntil ndơ, Kho ao khân păng mâu sat rai ôh jêh ri jâng khân păng mâu geh môr lĕ.

Nêhêmi 9:21 Iomraidhean Croise

Nau Mprơ Ơm 34:10

Phung kon yau mŭr mra geh nau pưt kƀah jêh ri ji ngot ji hir, Ƀiălah bu nâm joi Brah Yêhôva mâu mra pưt du ntil nau ueh ôh.

Nau Ngluh Êjipt 16:35

Phung ƀon lan Israel sa mana tâm puăn jât năm, kŏ tât lăp tâm n'gor khân păng gŭ. Khân păng hŏ sa mana kŏ tât lăp n'har bri n'gor Kanaan.

Amôt 5:25

Hơi ngih Israel, di lĕ khân may hŏ nhhơr mpa ƀư brah jêh ri ndơ ƀư brah rnih muy ma Gâp Tâm puăn jât năm gŭ ta bri rdah?

Kôranh Oh Mon 13:18

Păng ŭn nuih phung nây klăp lah puăn jât năm tâm bri rdah.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’

Nau Vay Nkah Tay 29:5

Păng lah: ‘Gâp hŏ njŭn jêh khân may puăn jât năm tâm bri rdah, bok ao khân may nsoh mâu blau mŭnh sat ôh, jep khân may nsoh mâu blau plưn ôh.

Nau Vay Nkah Tay 8:2

Ăn khân may kah gĭt tay tâm du njăr trong tâm bri rdah Yêhôva Brah Ndu hŏ njŭn leo khân may hăn puăn jât năm aơ, Păng n'hŭch khân may jêh ri rlong uănh khân may gay gĭt rah vah tâm nuih n'hâm khân may, gĭt lah geh djôt prăp nau vay Păng ntăm mâu lah mâu.

Nau Vay Nkah Tay 8:4

Tâm puăn jât năm aơ, kho ao khân may mâu blau sat, jâng khân may mâu blau môr ôh.