Nêhêmi 8:9 - Nau Brah Ndu Ngơi 2023

⁹ Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Nêhêmi 8:9 Iomraidhean Croise

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

II Nau Rêh Jêng 30:22

Y-Hêsêkia ngơi n'hao nuih ma lĕ rngôch phung Lêvi hŏ mpơl nau gĭt mĭn ma kan yơk mbah Brah Yêhôva. Khân păng sông sa răm maak nau rƀŭn tâm pơh nar, nhhơr lĕ mpa ƀư brah ma nau đăp mpăn, jêh ri tâm rnê lah ueh ma Yêhôva Brah Ndu phung chô yau khân păng.

II Nau Rêh Jêng 34:19

Lah hađăch tăng jêh nau ngơi tâm ndrom samƀŭt nau vay nây, păng nkhêk ro bok ao păng.

II Nau Rêh Jêng 34:21

“Yor ma gâp jêh ri yor ma phung Israel hôm e klen jêh ri phung Yuđa, hăn ôp hom Brah Yêhôva ma lĕ rngôch nau ngơi tâm ndrom samƀŭt aơ hŏ joi saơ jêh. Yor nau Brah Yêhôva ji nuih nkhŭt jêh ta klơ he dŭt toyh ngăn, yor tă bơh phung che he mâu ŭch djôt prăp ôh nau Brah Yêhôva ntăm, jêh ri mâu tĭng kơt lĕ ntil nau hŏ nchih jêh tâm ndrom samƀŭt aơ.”

II Nau Rêh Jêng 35:3

Păng lah ma phung Lêvi dôl nti ma lĕ rngôch phung Israel jêh ri phung kloh ueh hŏ prăp êng jêh ma Brah Yêhôva: “Ăn hom Hip Nau Tâm Rnglăp Kloh ta ngih brah, Y-Salômôn kon bu klâu Y-Đavit, hađăch Israel, hŏ ndâk jêh. Khân may mâu hôm ŭch tung ôh Hip Nau Tâm Rnglăp klơ săng nglik khân may. Aƀaơ ri, pah kan hom ma Yêhôva Brah Ndu khân may jêh ri kơl kan ăn phung Israel jêng phung ƀon lan Păng.

Êsra 2:63

Kôranh mât uănh buay ma khân păng mâu dơi sa ôh ndơ dŭt kloh ueh, kŏ tât ndah nâm jŏ geh kôranh ƀư brah sŏk Urim jêh ri Thumim gay ôp Brah Ndu.

Êsra 7:11

Aơ jêng pŏk samƀŭt kơt nchih tă bơh samƀŭt nau ntrŭnh bơh hađăch Artasersês jao jêh ma Y-Êsra, kôranh ƀư brah, ăt jêng kôranh nchih samƀŭt, nơm gĭt rbăng âk ma tâm lĕ nau vay ntăm jêh ri lĕ nau vay dăp bơh Brah Yêhôva hŏ ntăm ma phung Israel:

Nêhêmi 10:1

Aơ jêng amoh phung tâp pŏng samƀŭt tâm rnglăp nây geh: Kôranh chiă uănh Y-Nêhêmi, kon bu klâu Y-Hakalia, nđâp ma Y-Sêdêkia.

Nêhêmi 12:26

Phung nây gŭ rêh rnôk rô̆ Y-Jôyakim, kon bu klâu Y-Jêsua, sau Y-Jôsadak, jêh ri tâm rô̆ Y-Nêhêmi ƀư kôranh chiă uănh jêh ri tâm rô̆ Y-Êsra ƀư kôranh ƀư brah jêh ri kôranh nchih samƀŭt.

Nêhêmi 7:65

Kôranh mât uănh buay ma khân păng mâu dơi sa ôh ndơ dŭt kloh ueh kŏ tât nôk geh du huê kôranh ƀư brah sŏk Urim jêh ri Thumim gay ôp ma Brah Ndu.

Nêhêmi 7:70

Geh ƀaƀă kôranh ndŭl mpôl hŏ nhhơr ndơ ndâk njêng. Kôranh mât uănh nhhơr ndơ ndâk njêng geh pham kilô n'gul mah, prăm jât mlâm ngan grưng jêh ri prăm rhiăng pe jât blah ao ma kôranh ƀư brah.

Nêhêmi 8:2

Pôri, ta năng nguay khay pơh, kôranh ƀư brah Y-Êsra djôt leo nau vay tanăp phung tâm rƀŭn, phung bu klâu jêh ri phung bu ur, jêh ri lĕ rngôch phung gŭ iăt dơi gĭt rbăng.

Nơm Nti 3:4

Geh năng nhhiăng nhĭm, geh năng gơm maak; Geh năng ndrê klâng, geh năng pâl ntalơ̆;

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Kan Lêvi 23:24

“Ăn may ntăm hom ma phung ƀon lan Israel pô aơ: ‘Lơ nguay khay pơh jêng nar ăn ma khân may rlu, jêng du nar ndray đah tăng uh bâr nŭng, jêh ri geh du nau tâm rƀŭn kloh ueh.

Malachi 2:13

Aơ jêng nau tal bar khân may mra ƀư: Khân may sŏk dak măt, nau nhĭm nhhiăng, nau nter vơl gay nkŭm lơi nơng ƀư Brah Yêhôva, yor Păng mâu hôm rle uănh ôh jêh ri mâu dơn ôh lĕ ndơ ƀư brah nhhơr tă bơh ti khân may.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:9

Kăl e, mâu geh nau vay gâp dơi gŭ rêh; ƀiălah dôl geh nau vay ntăm, nau tih plơ̆ rêh,

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 26:14

Hên mâu sa ôh ndơ prăp êng nây tâm nôk hên gŭ ndrê klâng, mâu ôh pah bi ndơ nây dôl hên mâu kloh, jêh ri mâu đŏng sŏk dŏng ndơ nây nhhơr ma bunuyh khĭt. Hên tông bâr Yêhôva Brah Ndu hên jêh ri ƀư di lĕ nau May hŏ ntĭnh jêh ma hên.

Yakơ 4:9

rngot rvê hom, nter lŭng hom, nhĭm nhhiăng hom; rgâl hom gơm jêng nhĭm, rgâl hom maak jêng nau rngot klâng.