Nêhêmi 8:8 - Nau Brah Ndu Ngơi 2023

⁸ Khân păng răk rah vah tâm ndrom samƀŭt nau vay bơh Brah Ndu jêh ri rblang rah vah ăn bu gĭt nau ngơi khân păng răk.

Nêhêmi 8:8 Iomraidhean Croise

II Phung Hađăch 23:2

Jêh nây hađăch hăn hao rlet ma ngih Brah Yêhôva ndrel ma lĕ rngôch phung Yuđa, lĕ rngôch phung ƀon lan tâm ƀon Yêrusalem, phung kôranh ƀư brah, nơm mbơh lor, nđâp lĕ rngôch phung ƀon lan, jê̆ mâu lah toyh. Păng răk ăn khân păng tăng lĕ rngôch nau ngơi tâm ndrom samƀŭt nau tâm rnglăp bu joi saơ jêh tâm ngih Brah Yêhôva.

Êsra 4:18

Samƀŭt khân may njuăl jêh ma gâp lĕ rblang jêh ri rŏ rah vah tanăp măt gâp.

Nêhêmi 8:12

Lĕ rngôch ƀon lan hăn sông sa nhêt jêh ri njuăl kô̆ ndơ sa ma bunuyh mâu geh. Khân păng sông sa tâm nau răm maak ngăn, yorlah khân păng gĭt rbăng jêh lĕ nau ngơi bu hŏ ntĭm nti jêh ma khân păng.

Nêhêmi 8:7

Y-Jêsua, Y-Bani, Y-Sêrêbia, Y-Jamin, Y-Akup, Y-Sabêthai, Y-Hôdia, Y-Maseya, Y-Kêlita, Y-Asaria, Y-Jôsaƀat, Y-Hanan, Y-Pêlaya jêh ri phung Lêvi rblang ma phung ƀon lan gĭt rbăng nau vay, bi phung ƀon lan hôm e dâk ta ntŭk khân păng.

Nêhêmi 8:9

Y-Nêhêmi, kôranh mât uănh, Y-Êsra kôranh ƀư brah jêng kôranh nchih samƀŭt, nđâp phung Lêvi nti ntĭm phung ƀon lan, nti lah ma lĕ rngôch phung Israel, lah đah lĕ rngôch bunuyh Israel pô aơ: “Nar aơ jêng kloh ueh ma Yêhôva Brah Ndu khân may. Lơi klâng khĭt mâu lah nhhiăng nhĭm.” Yorlah lĕ rngôch phung ƀon lan nhĭm da dê tơlah gŭ iăt nau ngơi tâm nau vay.

Nêhêmi 9:3

Khân păng dâk du ntŭk jêh ri rŏ tâm ndrom samƀŭt nau vay Yêhôva Brah Ndu du kô̆ tâm puăn nar, jêh ri prăp du kô̆ tâm puăn êng gay khân păng mbơh nau tih jêh ri yơk mbah Yêhôva Brah Ndu khân păng.

Êsêkiêl 46:10

Hađăch ndrel phung ƀon lan mra hăn lăp du tơ̆ jêh ri tơlah phung ƀon lan du luh hađăch ăt du luh đŏng.

Habakuk 2:2

Brah Yêhôva plơ̆ lah jêh ri đă gâp: “Nchih hom nau tâm saơ; Jêh ri nchih păng ntoh rah vah ta du plơp kađar, Gay bunuyh dôl nchuăt dơi rŏ săr lah.

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Luka 24:32

Bar hê tâm ngơi ndrăng khân păng nơm: “Tâm nôk hăn trong, Păng nkoch bri jêh ri rblang kloh rah vah Nau Brah Ndu Ngơi ma hên, nuih n'hâm he duh nâm bu su hit lĕ ƀơh?”

Luka 24:45

Nôk nây, Păng pơk nau mĭn ma phung oh mon gay gĭt vât Nau Brah Ndu Ngơi.

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.