Nêhêmi 8:15 - Nau Brah Ndu Ngơi 2023

¹⁵ jêh ri khân păng nkoch mbơh tâm ăp ƀon jêh ri tâm Yêrusalem pô aơ: “Hăn joi hom tâm gôl yôk n'gĭng ôlive jêh ri tơm ôlive bri, n'gĭng tơm mirtơ, n'ha đung jêh ri lĕ n'gĭng tơm si pŭm n'ha gay ƀư ngih ndưp” tĭng nâm nau hŏ nchih jêh.

Nêhêmi 8:15 Iomraidhean Croise

Nau Ntơm 8:11

Tât kêng mhaơ, plŭk plơ̆ sĭt ta păng, jêh ri aơ, păng gleng tâm muăr păng du n'ha play ôlive hôm ndrêh! Y-Nôê gĭt dak hŏ hŭch jêh klơ neh.

Kan Lêvi 23:4

Aơ jêng lĕ nar rƀŭn ma Brah Yêhôva, lĕ yan tâm rƀŭn kloh ueh, ăn khân may mbơh nau aơ tĭng nar tâm nal jêh.

Kan Lêvi 23:40

Nar tal nguay, ăn khân may mra săch lĕ ntil play kam, play kroch, lĕ n'gĭng tơm đung, lĕ n'gĭng tơm si geh âk n'ha, jêh ri lĕ n'gĭng tơm si yôr rŏ kơh dak n'hor, jêh ri khân may nkra nau răm maak tanăp Brah Yêhôva Brah Ndu khân may tâm pơh nar.

Sakari 1:8

Dôl bri măng, Gâp saơ geh du huê ncho seh chăng, dâk ta nklang lĕ tơm si mirtơ ta du ntŭk tâm rlŭng. Mpeh pakơi păng geh phung seh chăng, seh guh, seh nglang.

Mathay 21:1

Tơlah Brah Yêsu jêh ri phung oh mon dăch tât ta ƀon Yêrusalem, nôk hăn lăp ta Bêtphajê, êp yôk Ôlive, Păng njuăl bar hê oh mon hăn,

Yôhan 12:13

pôri khân păng sŏk n'gĭng tơm jŏk, hăn vơt Brah Yêsu jêh ri nter lah: “Hôsana! Ueh maak ngăn ma Nơm văch ma amoh Kôranh Brah, jêng Hađăch phung Israel.”

Nau Vay Nkah Tay 16:16

Ăp năm pe tơ̆, ăn lĕ rngôch phung bu klâu tâm mpơl măt tanăp Yêhôva Brah Ndu khân may ta ntŭk Păng mra săch, nây jêng ta nar rƀŭn Piăng Let Mâu Geh Ndrui, nau rƀŭn Lĕ Pơh jêh ri nau rƀŭn Ngih Ndưp. Bu mâu mra yơr tanăp Brah Yêhôva ma bar ti dơm ôh,

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.