Nêhêmi 8:1 - Nau Brah Ndu Ngơi 2023

¹ Rnôk nây, lĕ rngôch phung ƀon lan tâm rƀŭn ndrel nâm bu du huê nuyh, ta nkual toyh tanăp ƀon mpông pêr Dak. Khân păng lah ma Y-Êsra jêng kôranh nchih samƀŭt djôt leo ndrom samƀŭt nau vay Y-Môis; nây jêng nau vay Brah Yêhôva hŏ ntĭm nti jêh ma phung Israel.

Nêhêmi 8:1 Iomraidhean Croise

II Phung Hađăch 23:2

Jêh nây hađăch hăn hao rlet ma ngih Brah Yêhôva ndrel ma lĕ rngôch phung Yuđa, lĕ rngôch phung ƀon lan tâm ƀon Yêrusalem, phung kôranh ƀư brah, nơm mbơh lor, nđâp lĕ rngôch phung ƀon lan, jê̆ mâu lah toyh. Păng răk ăn khân păng tăng lĕ rngôch nau ngơi tâm ndrom samƀŭt nau tâm rnglăp bu joi saơ jêh tâm ngih Brah Yêhôva.

II Nau Rêh Jêng 34:15

Y-Hilkia lah ma Y-Saphan kôranh nchih samƀŭt: “Gâp joi saơ jêh ndrom samƀŭt nau vay tâm ngih Brah Yêhôva.” Jêh ri Y-Hilkia jao ndrom samƀŭt nây ma Y-Saphan.

II Nau Rêh Jêng 34:30

Jêh nây hađăch ndrel ma lĕ rngôch phung Yuđa, jêh ri lĕ rngôch phung gŭ tâm ƀon Yêrusalem, phung kôranh ƀư brah, phung Lêvi, jêh ri lĕ rngôch phung ƀon lan ntơm bơh toyh tât jê̆, hăn hao ngih Brah Yêhôva. Păng răk ăn khân păng tăng lĕ rngôch nau ngơi tâm ndrom samƀŭt nau tâm rnglăp bu joi saơ jêh tâm ngih Brah Yêhôva.

Êsra 7:1

Pakơi jêh nau nây, tâm rnôk rô̆ Artasersês, hađăch Persi, geh Y-Êsra jêng kon bu klâu Y-Sêraya,

Êsra 7:10

Yorlah Y-Êsra hŏ mĭn jêh ŭch nti nau vay Brah Yêhôva, djôt prăp jêh ri nti ma phung Israel gĭt lĕ rngôch nau vay dăp jêh ri nau vay ƀư.

Êsra 7:11

Aơ jêng pŏk samƀŭt kơt nchih tă bơh samƀŭt nau ntrŭnh bơh hađăch Artasersês jao jêh ma Y-Êsra, kôranh ƀư brah, ăt jêng kôranh nchih samƀŭt, nơm gĭt rbăng âk ma tâm lĕ nau vay ntăm jêh ri lĕ nau vay dăp bơh Brah Yêhôva hŏ ntăm ma phung Israel:

Êsra 7:6

Y-Êsra nây plơ̆ sĭt tă bơh bri Babilôn. Păng jêng du huê kôranh nchih samƀŭt gĭt rbăng tâm nau vay Y-Môis, Yêhôva Brah Ndu phung Israel hŏ ntăm nti jêh. Yorlah ti Yêhôva Brah Ndu kơl ma păng, pôri hađăch ăn ma păng lĕ ndơ păng ŭch dăn.

Nêhêmi 12:26

Phung nây gŭ rêh rnôk rô̆ Y-Jôyakim, kon bu klâu Y-Jêsua, sau Y-Jôsadak, jêh ri tâm rô̆ Y-Nêhêmi ƀư kôranh chiă uănh jêh ri tâm rô̆ Y-Êsra ƀư kôranh ƀư brah jêh ri kôranh nchih samƀŭt.

Nêhêmi 12:37

Tă bơh mpông pêr Dak N'hor ta panăp măt, khân păng hăn sŏng hao ta lĕ gung ƀon Đavit, tĭng sop hao mpêr ƀon tât ta klơ ngih Y-Đavit jêh ri tât ma mpông pêr Dak mpeh luh nar.

Nêhêmi 3:26

Phung pah kan ngih ƀư brah gŭ ta Ôphel nkra mpêr ƀon tât ma ntŭk tâm tra đah mpông pêr Dak mpeh luh nar jêh ri tât ma vâl tŭm prêh klơ.

Nêhêmi 8:16

Pôri phung ƀon lan hăn joi jêh ri djôt sĭt lĕ ntil n'ha si nây jêh ri ăp nơm ƀư ngih ndưp ta klơ chor ngih khân păng nơm, padih ndring, tâm nkual nhuang ngih Brah Ndu, tâm nkual toyh tanăp mpông pêr Dak jêh ri nkual toyh tanăp mpông pêr Êphraim.

Nêhêmi 8:3

Păng dâk ta nkual toyh tanăp mpông pêr Dak, rŏ tâm ndrom samƀŭt nây ntơm ƀhit rvi ang tât ma nklang bôk nar, lĕ bu klâu jêh ri bu ur nđâp lĕ rngôch dơi gĭt rbăng. Lĕ rngôch phung ƀon lan rkêng tôr iăt nau rŏ tâm ndrom samƀŭt nau vay.

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Kan Lêvi 9:5

Khân păng njŭn tanăp Ngih Bok Nau Tâm Rƀŭn lĕ rngôch ndơ Y-Môis hŏ ntăm jêh, jêh ri lĕ rngôch phung tâm rƀŭn văch dăch jêh ri dâk tanăp Brah Yêhôva.

Malachi 4:4

“Khân may kah gĭt hom ma nau vay Gâp ntăm jêh ma oh mon Gâp jêng Y-Môis ta yôk Hôrep, jêng nau vay dăp jêh ri nau vay ƀư ma lĕ rngôch phung Israel.

Mathay 13:52

Păng lah: “Pôri, ăp nơm kôranh nchih samƀŭt gĭt lĕ nau ƀon bri hađăch klơ trôk, nâm bu du huê kôranh ngih ri, djôt leo lĕ ndơ mhe nđâp ndơ ơm luh bơh jay ndơ khlay păng nơm.”

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 23:2

“Phung kôranh nchih samƀŭt jêh ri phung Pharisi gŭ ta klơ rnơl Y-Môis.

Mathay 23:34

Yor ri, Gâp njuăl phung nơm mbơh lor, phung blau mĭn, phung kôranh nchih samƀŭt văch ta khân may, ri mơ khân may mra nkhĭt jêh ri pâng kđĭn phung bunuyh nây ta si tâm rkăng, lơh dong ma mâng lĕ phung êng tâm ngih rƀŭn jêh ri ƀư mhĭk ma phung khân păng ntơm bơh ƀon aơ tât ta ƀon ri,

Nau Vay Nkah Tay 31:11

lah lĕ rngôch bunuyh ƀon lan Israel tâm mpơl măt tanăp Yêhôva Brah Ndu khân may ta ntŭk Păng mra săch, pôri ăn khân may răk nau vay aơ tanăp lĕ rngôch bunuyh ƀon lan Israel ăn khân păng tăng lĕ rngôch.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

Phung Kôranh Phat Dôih 20:8

Lĕ rngôch phung ƀon lan Israel dâk nâm bu du huê bunuyh jêh ri lah: “Mâu geh du huê tâm phung hên dơi sĭt ma ngih bok păng, mâu đŏng geh du huê plơ̆ sĭt ma ngih vâl păng.