Nêhêmi 7:6 - Nau Brah Ndu Ngơi 2023

⁶ Aơ jêng lĕ phung dơi plơ̆ sĭt tâm n'gor Yuđa tă bơh ntŭk ƀư bu nă, nâm bu ntĭt phung mpôl hađăch Nêbukatnetsar nhŭp leo ƀư bu nă ta Babilôn, aƀaơ khân păng plơ̆ sĭt ma Yêrusalem jêh ri n'gor Yuđa, ăp nơm plơ̆ sĭt ta ƀon khân păng.

Nêhêmi 7:6 Iomraidhean Croise

II Phung Hađăch 25:11

Kôranh phung tahan gak Nêbusaradan njŭn leo phung ƀon lan hôm klen gŭ tâm ƀon, ndrel ma phung du ran lăp jêh ma hađăch Babilôn saơm, jêh ri ndrel ma lĕ rngôch phung ƀon lan hôm e, njŭn leo hăn ƀư bu nă.

Êsra 5:8

Hên ăn hađăch gĭt pô aơ hên hŏ hăn jêh tâm n'gor Yuđa jêh ri tât ta ngih Brah Ndu dŭt toyh. Phung Yuđa ndâk ngih brah nây ma lŭ du nku jêh ri bu lĕ krĭp n'hao rkăng mpir jêh. Nau kan ƀư nanê̆ ngăn jêh ri gơih nđơr hao jêng tă ti khân păng.

Êsra 6:2

Bu joi dơi saơ tâm pôih ta ƀon Êkbatana, jêng ƀon ta n'gor Mêdơ, du ndrom samƀŭt bu klôn geh nau nchih pô aơ:

Nêhêmi 1:3

Khân păng lah ma gâp pô aơ: “Phung hôm rêh klen jêh pakơi nau ƀư dĭk gŭ tay tâm n'gor geh nau rêh ni jêh ri geh nau bêk prêng ngăn ngên, bi ma mpêr ƀon Yêrusalem lĕ rlâm, jêh ri lĕ mpông ƀon lĕ ŭnh sa.

Nêhêmi 7:7

Khân păng plơ̆ sĭt ndrel ma Y-Sôrôƀaƀel, Y-Jêsua, Y-Nêhêmi, Y-Asaria, Y-Ramia, Y-Nahamani, Y-Môrdêkai, Y-Bilsan, Y-Mispêret, Y-Bikvai, Y-Nêhum, Y-Bana. Aơ jêng rnoh phung bu klâu tâm Israel hŏ dơi kơp: