Nêhêmi 7:5 - Nau Brah Ndu Ngơi 2023

⁵ Brah Ndu gâp nsŭk nsôr nuih n'hâm gâp kuăl rgum phung ndrŏng, phung kôranh chiă uănh jêh ri phung ƀon lan, ăn nchih amoh tĭng nâm noi deh khân păng. Gâp dơi joi du ndrom samƀŭt noi deh phung hŏ plơ̆ sĭt tâm n'gor tal lor jêh ri tâm nây gâp saơ bu nchih pô aơ:

Nêhêmi 7:5 Iomraidhean Croise

Êsra 2:62

Phung nây joi amoh săk khân păng tâm ndrom samƀŭt noi deh, ƀiălah mâu dơi joi ôh yor ri yơh bu kơp khân păng jêng ƀơ̆ ƀơch, jêh ri bu ngluh lơi khân păng tă bơh nau kan kôranh ƀư brah.

Êsra 7:27

Y-Êsra lah: “Tâm rnê ma Yêhôva Brah Ndu chô yau hên, jêng Nơm hŏ dơm nau aơ tâm nuih n'hâm hađăch gay nkrơ̆ ngih brah Brah Yêhôva ta Yêrusalem,

Nêhêmi 5:19

“Hơi Brah Ndu gâp! Dăn ma Kôranh Brah kah gĭt lĕ rngôch nau gâp hŏ ƀư jêh ma phung ƀon lan aơ jêh ri yô̆ an ma gâp.”

Nêhêmi 6:14

“Hơi Brah Ndu gâp! Kah gĭt hom ma Y-Tôbia jêh ri Y-Sanbalat tĭng nâm lĕ nau kan khân păng ƀư jêh; tâm ban lĕ kah gĭt hom ma H'Nôadia, nơm mbơh lor bu ur jêh ri phung nơm mbơh lor êng hŏ ƀư jêh ma gâp klach!”

Nêhêmi 7:4

Ƀon jêng huy ngăn, ƀiălah phung ƀon lan gŭ tâm ƀon hôm djê̆ jêh ri ngih vâl mhe ê-hŏ geh ndâk ôh.

Nêhêmi 7:64

Phung nây joi amoh khân păng tâm ndrom samƀŭt noi deh ƀiălah mâu saơ ôh, yor nây bu ngluh lơi tă bơh nau kan kôranh ƀư brah yorlah kơp khân păng jêng ƀơ̆ ƀơch.

Nau Hôr 2:6

Yorlah Brah Yêhôva ăn nau blau mĭn; Tă bơh trôm mbung Păng luh nau blau mĭn jêh ri nau gĭt rbăng.

Nau Hôr 3:6

Kah gĭt hom ma Păng tâm lĕ trong may hăn, Păng yơh mra ƀư lâng tâm lĕ trong may hăn.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

II Kôrintô 3:5

Mâu di hên geh nau blau gay mĭn ma hên dơi ƀư du ntil nau ôh, ƀiălah nau blau hên luh bơh Brah Ndu.

II Kôrintô 8:16

Lah ueh ma Brah Ndu, Păng dơm jêh tâm nuih n'hâm Y-Tit nau duh nđơr tâm ban gâp geh ma khân may;

Kôlôh 1:29

Yor ma nau aơ gâp kan lĕ n'hâm suan jêh ri tâm lơh ma lĕ nau ktang bơh Păng ƀư ăn ktang tâm gâp.

Yakơ 1:16

Hơi phung oh nâu gâp rŏng, lơi ăn bu ndơm mƀruh ma khân may: