Nêhêmi 6:9 - Nau Brah Ndu Ngơi 2023

⁹ Khân păng ŭch nhhu hên gây lĕ rngôch klach krit da dê, yorlah khân păng ntôn pô aơ: “Ti khân păng mra rgănh, mâu hôm pah kan đŏng ôh.” Pôri aƀaơ, “hơi Brah Ndu, ƀư hom ti gâp ktang.”

Nêhêmi 6:9 Iomraidhean Croise

II Nau Rêh Jêng 15:7

Ƀiălah khân may gŭ janh hom, ti khân may lơi mƀơk, yorlah kan khân may ƀư mra geh nau nkhôm.”

II Nau Rêh Jêng 32:18

Khân păng troh nter ma nau ngơi Yuđa ăn ma phung ƀon lan Yêrusalem gŭ ta klơ mpêr ƀon tăng, ƀư ăn khân păng klach gay pit sŏk ƀon.

Êsra 1:6

Lĕ rngôch phung chiau meng khân păng kơl ndơ ma khân păng, lĕ ndơ ƀư ma prăk, ma mah, drăp ndơ, mpô mpa rong, jêh ri ndô ndơ khlay, nđâp ma lĕ ndơ nhhơr êng êng.

Nêhêmi 6:14

“Hơi Brah Ndu gâp! Kah gĭt hom ma Y-Tôbia jêh ri Y-Sanbalat tĭng nâm lĕ nau kan khân păng ƀư jêh; tâm ban lĕ kah gĭt hom ma H'Nôadia, nơm mbơh lor bu ur jêh ri phung nơm mbơh lor êng hŏ ƀư jêh ma gâp klach!”

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 56:3

Tâm nar klach krit, Gâp mra dơm lĕ nau rnơm tâm May.

Nau Mprơ Ơm 68:35

Ơ Brah Ndu, May khư ma nau klach tâm ntŭk kloh ueh May; Brah Ndu phung Israel Ăn nau ktang jêh ri nau brah ma phung ƀon lan Păng. Mât ton ma Brah Ndu!

Nau Mprơ Ơm 71:1

Ơ Brah Yêhôva, gâp nde krap tâm May; Lơi ăn gâp mâp geh nau bêk prêng ôh.

Êsai 40:29

Păng ăn nau ktang ma phung huăr rgănh, Ntop nau dăng ktang ma nơm mâu geh nau dăng ktang.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Êsêkiêl 30:24

Gâp mra ăn nting tur hađăch Babilôn ntop nau dăng ktang, dơm đao Gâp tâm ti păng, ƀiălah Gâp nkê̆ch lơi nting tur Pharaôn. Pharaôn mra rđêng tanăp măt hađăch Babilôn tâm ban ma du huê nơm rmanh bơi ma khĭt.

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

ហេឞ្រើ 12:12

Pôri, yơr hom ti rdja khân may jêh ri ƀư nâp ktang hom kômâk rbăn khân may.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.