Nêhêmi 6:6 - Nau Brah Ndu Ngơi 2023

⁶ Tâm samƀŭt geh nchih: “Phung ntil mpôl êng bu tăng lư jêh ri Y-Gesem lah đŏng pô aơ May jêh ri phung Yuđa tâm nchră ŭch tâm rdâng; yor nau nây, ri dĭng may rdâk nkra jêh mpêr ƀon toyh, jêh ri tĭng nâm nau bu nkoch nây, may ŭch hao ƀư hađăch ma khân păng.

Nêhêmi 6:6 Iomraidhean Croise

Êsra 4:12

Mbah hađăch gĭt rah vah phung Yuđa tă bơh ntŭk hađăch gŭ hŏ hăn tât ntŭk hên ta ƀon Yêrusalem. Khân păng dôl ndâk nkra tay nau tâm rdâng jêh ri nau mhĭk ngăn; khân păng ntơm ndâk nkra tay mpêr ƀon, bi mbon hŏ nkra lôch jêh.

Êsra 4:15

gay ma bu sek uănh joi tâm nau rêh jêng phung chô yau hađăch. Tơlah bu sek uănh joi tâm ndrom samƀŭt nau rêh jêng nây, hađăch mra gĭt pô aơ ƀon nây jêng du ƀon tâm rdâng, ƀư nau mhĭk ma phung hađăch jêh ri lĕ n'gor. Ntơm bơh rnôk kăl e, phung ƀon lan gŭ ta nây vay ƀư nau tâm rdâng jêh ri yor nau nây ƀon aơ bu hŏ ƀư rai jêh.

Nêhêmi 2:19

Y-Sanbalat, bunuyh Hôrôn, Y-Tôbia jêng oh mon bunuyh Ammôn jêh ri Y-Gesem bunuyh Arabi tăng nau nây, khân păng bêk prêng jêh ri gơm mưch ma hên. Khân păng lah pô aơ: “Moh nau khân may ƀư aơ? Khân may tâm rdâng đah hađăch lĕ?”

Nêhêmi 6:13

Yorlah păng lĕ geh prăk nkhôm gay ƀư ma gâp klach, nsŭk gâp ƀư tih, jêh nây yorlah nau nây khân păng lah nau djơh mhĭk jêh ri ƀư bêk prêng ma gâp.

Nêhêmi 6:5

Tơ̆ rơh prăm, tâm ban nau saơm nây lĕ, Y-Sanbalat prơh oh mon păng djôt leo samƀŭt njuăl tâm ti păng.

Nêhêmi 6:7

May njêng jêh phung nơm mbơh lor gay mbơh tâm ƀon Yêrusalem pô aơ: ‘Geh du huê hađăch tâm n'gor Yuđa!’ N'hêl nanê̆ nau mbơh aơ mra tât ma hađăch. Pôri văch hom gay he tâm nchră ndrel.”

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Mathay 5:11

Ueh maak ngăn ma khân may tơlah yorlah Gâp bu suai rak, ƀư mhĭk, ngơi nchơt âk ntil nau mhĭk ma khân may.

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Yôhan 19:13

Nôk Pilat tăng nau nây păng njŭn leo Brah Yêsu luh padih, jêh păng gŭ ta ntŭk phat dôih, ta ntŭk bu moh Ntŭk Lăk Lŭ, nau ngơi Hêbrơ kuăl jêng Gabatha.

Samƀŭt Pôl Njuăl Ăn Ma Phung Nsing Ta Ƀon Rôm 3:8

Pôri mâm ƀư he mâu “ƀư nau mhĭk gay geh nau ueh”? — tâm ban ma ƀaƀă bunuyh ngơi nchơt ma hên nti jêh nau nây — Khân păng geh nau phat dôih jêng di ngăn.

II Kôrintô 6:8

nđâp tơlah bu rnê mâu lah bêk prêng, nđâp tơlah geh nau lư mhĭk mâu lah ueh. Bu ƀư ma hên nâm bu phung ngơi mƀruh, ƀiălah hên jêng bunuyh nanê̆ ngăn;

I Pêtrôs 3:16

Nôk geh nau ngơi mhĭk, ăn khân may djôt prăp nuih n'hâm sŏng khân may nơm ăn kloh, gay ma phung nsak nkhăng ma nau khân may gŭ ngao ueh tâm Brah Krist geh nau đit prêng.