Nêhêmi 5:5 - Nau Brah Ndu Ngơi 2023

⁵ Hên geh đŏng săk jăn nâm bu oh nâu hên jêh ri phung kon hên nâm bu phung kon khân păng, ƀiălah ăn hên nchâp phung kon bu klâu jêh ri phung bu ur hên ƀư dĭk. Phung bu ur hên geh nơm hŏ ƀư dĭk jêh, ƀiălah hên mâu geh nau dơi chuai tay khân păng ôh; yorlah tâm lŏ sre jêh ri đang krăk ƀâu hên hŏ jêng ndơ ma phung êng jêh.”

Nêhêmi 5:5 Iomraidhean Croise

Nau Ntơm 29:14

Y-Laban lah: “Di ngăn mon jêng noi deh du mham đah gâp.” Y-Yakôb gŭ ndrel ma păng du khay.

Nau Ntơm 37:27

Găp hôm, he tăch păng ma phung Ismaêl jêh ri lơi ƀư ôh nau mhĭk ma păng, yorlah păng jêng oh he, jêng noi deh du mham đah he.” Phung oh nâu păng dơn da dê.

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

Nau Hôr 22:7

Bunuyh ndrŏng chiă uănh phung o ach, Mbu nơm manh dăn jêng dĭk ma nơm ăn manh.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Mathay 18:25

Yorlah bunuyh nây mâu geh moh ndơ gay mplơ̆ rnon ôh, pôri hađăch ntrŭnh bu tăch păng, ur kon, jêh ri lĕ rngôch ndơ păng geh, gay mplơ̆ rnon.