Nêhêmi 5:4 - Nau Brah Ndu Ngơi 2023

⁴ Bunuyh êng lah đŏng: “Hên hŏ manh jêh prăk prăp chê̆ pi ma neh lŏ jêh ri ma đang krăk ƀâu hên ma hađăch.

Nêhêmi 5:4 Iomraidhean Croise

I Phung Hađăch 9:21

jêng phung kon sau khân păng hôm e gŭ tâm n'gor, phung ƀon lan Israel mâu dơi ƀư rai lĕ ôh, pôri Y-Salômôn nhŭp khân păng pah kan jâk tât nar aơ.

Êsra 4:13

Pôri, ăn hađăch gĭt pô aơ tơlah ƀon aơ hŏ ndâk đŏng tât lôch jêh, jêh ri mpêr ƀon nkra ndâk tay, nanê̆ khân păng mâu mra nhhơr ndơ, chê̆ pi ôh, mâu lah chê̆ prăk ma nau rvăt samƀŭt rsong trong, jêh nây n'hêl nanê̆ prăk tâm ngih hađăch mra hŭch.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Êsra 7:24

Tâm ban lĕ gâp mbơh đŏng ma phung khân may gĭt, mâu dơi vay sŏk pi mâu lah prăk rvăt samƀŭt rsong trong bơh phung kôranh ƀư brah, phung Lêvi, phung kâp mprơ, phung gak njrăng mpông pêr, phung pah kan tâm ngih brah mâu lah bơh phung pah kan êng tâm Brah Ndu.

Nêhêmi 5:3

Bunuyh êng lah tâm ban lĕ: “Tâm nau sa sât ji ngot, hên ăn bu nkhôm mir hên, đang krăk ƀâu jêh ri ngih hên gay geh ba ƀlê sông sa.”

Nêhêmi 9:37

Yor ma nau tih hên, kao play rmeh ler nây mpeh ma phung hađăch Kôranh Brah hŏ ƀư jêh ma hên. Khân păng geh nau dơi chiă uănh săk jăn hên jêh ri mpô mpa hên rong, ƀư moh nau tĭng nâm khân păng ŭch. Hên dôl gŭ tâm nau rêh ni toyh.

Nau Hôr 22:7

Bunuyh ndrŏng chiă uănh phung o ach, Mbu nơm manh dăn jêng dĭk ma nơm ăn manh.

Yôsuê 16:10

Ƀiălah, khân păng mâu mprơh ôh phung Kanaan gŭ tâm ƀon Gêser, pônây phung Kanaan gŭ ta nklang phung Êphraim kŏ tât ta nar aơ, ƀiălah bu phak khân păng pah kan tâm ban ma dĭk.