Nêhêmi 5:16 - Nau Brah Ndu Ngơi 2023

¹⁶ Gâp ăt djôt prăp nâp tâm nau pah kan ndâk nkra mpêr ƀon, jêh ri gâp mâu rvăt ôh tâm lŏ sre. Lĕ rngôch phung oh nâu gâp tâm rgum pah kan ta nây.

Nêhêmi 5:16 Iomraidhean Croise

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nêhêmi 5:17

Ntŭk sưng sông gâp tâm ban lĕ, geh du rhiăng prăm jât nuyh phung Yuđa jêh ri phung kôranh, mâu kơp ma phung văch tât ma hên tă bơh phung mpôl băl bunuyh gŭ jŭm hên.

Nau Kơp Bunuyh 16:15

Y-Môis ji nuih ngăn jêh ri lah ma Brah Yêhôva: “Dăn Kôranh Brah lơi dơn ma ndơ ƀư brah khân păng nhhơr. Gâp mâu nhŭp du mlâm seh bri ôh tă bơh khân păng jêh ri gâp mâu mâp ƀư nau mhĭk ôh ma du huê nuyh tâm khân păng.”

Luka 8:15

Ƀiălah lĕ grăp tŭp tâm neh ueh jêng phung bunuyh tăng djôt prăp nau Brah Ndu Ngơi nuih n'hâm nanê̆ jêh ri mĭn ueh, bơh nau nsrôih dơi geh play.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

I Kôrintô 15:58

Pôri, hơi phung oh nâu gâp rŏng ngăn ngên, gŭ nâp hom, lơi mpât n'gơ, ƀư hom âk rmeh nau kan ma Kôranh Brah, dôl khân may gĭt kan khân may pah mâu mra jêng dơm dam ôh tâm Kôranh Brah.

Galati 6:9

Lơi rgănh dôl ƀư kan ueh, yorlah tơlah he mâu rdja nuih n'hâm ôh, he mra rek tât ta yan rek.