Nêhêmi 5:15 - Nau Brah Ndu Ngơi 2023

¹⁵ Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nêhêmi 5:15 Iomraidhean Croise

Nau Ntơm 20:11

Y-Abraham ơh: “Gâp ƀư pônây, yor gâp mĭn tâm n'gor aơ mâu mâp geh ôh bunuyh klach yơk ma Brah Ndu. Klăp lah khân păng mra nkhĭt gâp yor ur gâp.

Nau Ntơm 42:18

Tât nar tal pe, Y-Yôsep lah ma khân păng: “Yorlah gâp klach yơk ma Brah Ndu, lah khân may ŭch rêh ăn khân may ƀư hom kơt aơ.

Nêhêmi 5:16

Gâp ăt djôt prăp nâp tâm nau pah kan ndâk nkra mpêr ƀon, jêh ri gâp mâu rvăt ôh tâm lŏ sre. Lĕ rngôch phung oh nâu gâp tâm rgum pah kan ta nây.

Nêhêmi 5:9

Gâp lah tay: “Nau khân may ƀư mâu geh ueh ôh. Di lah khân may gŭ tâm nau klach yơk ma Brah Ndu, gay lơi ăn phung rlăng ƀư bêk prêng he?

Ndrom Samƀŭt bơh Yôp 31:23

Yorlah nau mhĭk tât bơh Brah Ndu ƀư ăn gâp krit klach, Tanăp nau rnam Păng, gâp mâu dơi ƀư ôh.

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 29:12

Tơlah kôranh chiă uănh iăt nau ngơi mƀruh, Pôri lĕ rngôch phung oh mon păng jêng djơh.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Yêrêmi 32:9

Pônây gâp rvăt mir ta ƀon Anathôt bơh Y-Hanamel, kon bu klâu kônh gâp, jêh ri gâp hŏ veh ăn păng bơi ma bar rhiăng gram prăk.

Nau Nhĭm Vơl 5:8

Phung dĭk ŭch chiă uănh hên, Mâu geh ôh bunuyh sâm rklaih hên tă bơh ti khân păng.

Mathay 5:47

Tơlah khân may knŏng rom oh nâu khân may dơm, moh nau khân may ƀư rlau lơn ma phung êng? Mâu di hĕ phung padih gŭ ngao nâm bu pônây?

II Kôrintô 11:9

Tâm mông gŭ ndrel đah khân may, mâp pưt kƀah, gâp mâu mâp ƀư jêr bu ôh, yorlah phung oh nâu gŭ ta n'gor Masêđôn văch sâm ăn jêh lĕ ndơ gâp pưt. Tâm lĕ nau, gâp njrăng mâu ŭch ƀư jêr ma khân may ôh, jêh ri gâp ăt ƀư tâm ban lĕ.

II Kôrintô 12:13

Yorlah, gâp mâu ƀư jâk ma khân may, mâm dĭng khân may jê̆ lơn đah ma Phung Ngih Brah Ndu êng? Dăn yô̆ ma gâp ma nau mâu sŏng nây!

I Samuel 8:15

Hađăch mra sŏk pi du kô̆ tâm jât ba jêh ri đang krăk ƀâu khân may, gay ăn ma kôranh chiă uănh jêh ri phung oh mon păng.