Nêhêmi 5:11 - Nau Brah Ndu Ngơi 2023

¹¹ Tâm nar aơ, dăn ma khân may mplơ̆ lơi hom ma khân păng tâm lŏ sre, đang krăk ƀâu, đang play ôlive jêh ri ngih khân păng nđâp ma nau sa kao ma prăk, ba ƀlê, ndrănh jêh ri dak ngi ôlive, jêng ndơ khân may hŏ nchâp ma khân păng chê̆ hom jêh.”

Nêhêmi 5:11 Iomraidhean Croise

II Samuel 12:6

Ăn păng ntrok puăn tơ̆ rnoh biăp kon, yorlah hŏ ƀư jêh nau aơ jêh ri yorlah mâu geh nau yô̆ nđach ôh.”

Nêhêmi 5:10

Gâp, phung oh nâu gâp jêh ri phung oh mon gâp, ăn khân păng manh prăk jêh ri ba ƀlê. Pôri ăn he jut lơi nau rnon aơ!

Nêhêmi 5:12

Khân păng lah: “Hên mra mplơ̆ ndơ nây jêh ri mâu hôm dăn du ntil ndơ ôh tă bơh khân păng. Hên mra ƀư di tĭng nâm may lah jêh.” Gâp kuăl đŏng phung kôranh ƀư brah jêh ri ăn khân păng sơm ton ƀư tĭng nâm nau ton nây.

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Luka 3:8

Pôri, play kao hom tâm di jêh ma nau tâm rmal nau tih; lơi mĭn êng: ‘Y-Abraham jêng chô yau hên’; yorlah gâp lah đah khân may, Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

Nau Vay Nkah Tay 6:11

lĕ ngih vâl bêng ma ăp ntil ndơ ueh ƀiălah may mâu mâp joi ôh, lĕ ntu dak may mâu mâp kuyh ôh, tơm krăk ƀâu jêh ri tơm ôlive may mâu mâp tăm ôh; lah may nhêt sa hơm jêh,

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”