Nêhêmi 4:7 - Nau Brah Ndu Ngơi 2023

⁷ Ƀiălah tơlah Y-Sanbalat, Y-Tôbia, phung Arabi, phung Ammôn jêh ri phung Asdôt tăng nau ndâk nkra mpêr ƀon Yêrusalem lơ hao jêh ri lĕ ntŭk bluh lĕ tâm jĭr ndrel jêh, khân păng ji nuih hâu ngăn.

Nêhêmi 4:7 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

II Phung Hađăch 24:2

Brah Yêhôva ƀư ăn âk phung tahan Kaldê, Aram, Môap jêh ri phung tahan Ammôn văch lơh jêh ri ƀư rai n'gor Yuđa, tĭng nâm nau Brah Yêhôva ngơi lor ma bâr mbung phung nơm mbơh lor jêng phung oh mon Păng.

II Nau Rêh Jêng 20:1

Jêh nau nây, phung Môap jêh ri phung Ammôn, ndrel ma phung ƀaƀă Mêun hăn tĭng khân păng, n'hoch văch ŭch tâm lơh đah Y-Jôsaphat.

Êsra 5:8

Hên ăn hađăch gĭt pô aơ hên hŏ hăn jêh tâm n'gor Yuđa jêh ri tât ta ngih Brah Ndu dŭt toyh. Phung Yuđa ndâk ngih brah nây ma lŭ du nku jêh ri bu lĕ krĭp n'hao rkăng mpir jêh. Nau kan ƀư nanê̆ ngăn jêh ri gơih nđơr hao jêng tă ti khân păng.

Nêhêmi 2:10

Tơlah Y-Sanbalat, bunuyh Hôrôn, jêh ri Y-Tôbia jêng oh mon mpôl Ammôn, tăng nau nây, khân păng mâu maak, yorlah bu văch gay joi nau kơl ma phung Israel geh nau ndrŏng.

Nêhêmi 2:19

Y-Sanbalat, bunuyh Hôrôn, Y-Tôbia jêng oh mon bunuyh Ammôn jêh ri Y-Gesem bunuyh Arabi tăng nau nây, khân păng bêk prêng jêh ri gơm mưch ma hên. Khân păng lah pô aơ: “Moh nau khân may ƀư aơ? Khân may tâm rdâng đah hađăch lĕ?”

Nêhêmi 4:1

Tơlah Y-Sanbalat tăng ma hên gŭ ndâk nkra mpêr ƀon; păng ji nuih hâu ngăn jêh ri mưch rmot ma phung Yuđa.

Nêhêmi 4:6

Pônây hên ndâk mpêr ƀon ma tât nôk lĕ pêr tâm njĭr ndrel da dê jêh ri n'hao tât du n'gul prêh klơ, yorlah phung ƀon lan ƀư kan lĕ nuih n'hâm khân păng.

Nêhêmi 4:8

Khân păng rgum ndrăng khân păng, tâm nchră ndrel ŭch văch tât lơh đah ƀon Yêrusalem jêh ri ƀư uh ah ma ƀon.

Nêhêmi 6:16

Tơlah lĕ rngôch phung rlăng jêh ri lĕ ntil mpôl bunuyh êng gŭ jŭm hên, khân păng gĭt nau nây, pôri geh nau klach da dê jêh ri geh nau rdja nuih n'hâm yorlah khân păng gĭt saơ ma kan aơ dơi jêng yor tă Brah Ndu hên kâp kơl.

Yêrêmi 25:20

lĕ rngôch phung ƀon lan gŭ tâm rlŭk, lĕ rngôch hađăch n'gor bri Us, lĕ rngôch hađăch n'gor bri Philistin: nây jêng hađăch Askalôn, Gaxa, Êkron, jêh ri phung hôm e klen gŭ ta Asdôt;

Yêrêmi 41:10

Jêh nây Y-Ismaêl nhŭp ƀư bu nă lĕ rngôch phung bunuyh ƀon lan hôm klen tâm ƀon Mispa, nây jêng phung kon bu ur hađăch jêh ri lĕ rngôch ƀon lan bu om gŭ ta ƀon Mispa, Y-Nêbusaradan kôranh toyh phung tahan gak hŏ jao jêh ăn ma Y-Gêdalia, kon bu klâu Y-Ahikam. Y-Ismaêl, kon bu klâu Y-Nêthania, nhŭp jêh ri ƀư khân păng nây jêng bu nă, jêh nây hăn rgăn ntŭk phung ƀon lan Ammôn.

Amôt 1:13

Brah Yêhôva lah: “Yor nau tih mhĭk phung kon Ammôn ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng lông jêh ndŭl phung bu ur dôl ntreo tâm n'gor Gilêat, Gay ƀư dĭ n'har bri khân păng.

Amôt 1:8

Gâp mra ƀư rai phung gŭ tâm ƀon Asdôt, Jêh ri nơm djôt mâng jra hađăch du luh bơh Askalôn. Gâp mra yơr ti Gâp lơh ma Êkron Jêh ri đơ phung Philistin hôm klen mra khĭt” Yêhôva Brah Ndu lah pônây.

Amôt 3:9

Mbơh hom ma lĕ pôih nâp tâm n'gor Asdôt, Jêh ri ma lĕ pôih toyh tâm n'gor Êjipt, Lah hom pô aơ: “Khân may tâm rgum hom ta klơ lĕ yôk Samari; Uănh hom âk nau uh ah toyh ngăn ta nây Jêh ri nau tŭn jot ta nklang ƀon lan păng”

Kôranh Oh Mon 5:33

Jêh tăng lĕ nau nây khân păng ji nuih ngăn jêh ri ŭch nkhĭt lơi phung kôranh oh mon.

Nau Tâm Mpơl 12:17

Mlâm bêh nhŭk nhăk ji nuih ma bu ur nây jêh ri hăn tâm lơh đah noi deh păng hôm e, nâm bu ntĭt phung djôt prăp ma lĕ nau vay Brah Ndu ntăm jêh ri geh nau mbơh Brah Yêsu.

I Samuel 11:2

Y-Nahas, bunuyh Ammôn, lah ma khân păng: “Gâp mra ƀư nau tâm rnglăp ma khân may tĭng nau aơ: Rloch lơi măt pa ma lĕ rngôch phung khân may, gay ƀư bêk prêng lĕ rngôch phung Israel.”