Nêhêmi 4:14 - Nau Brah Ndu Ngơi 2023

¹⁴ Jêh sek uănh, gâp dâk hăn jêh ri ngơi ma phung ndrŏng, phung kôranh, jêh ri phung ƀon lan hôm e klen pô aơ: “Lơi klach ôh ma khân păng. Kah gĭt hom pô aơ Kôranh Brah jêng Nơm dŭt toyh jêh ri geh nau klach yơk, mra tâm lơh ăn ma phung oh nâu, ăn ma phung kon bu klâu, kon bu ur, ăn ma phung ur, jêh ri ma phung ngih vâl khân may.”

Nêhêmi 4:14 Iomraidhean Croise

II Samuel 10:12

Ktang hom jêh ri tâm lơh janh ktang yor phung ƀon lan he jêh ri yor lĕ ƀon Brah Ndu he. Dăn Brah Yêhôva ƀư tĭng nâm nau Păng mĭn ueh!”

II Nau Rêh Jêng 32:7

“Ƀư ktang hom jêh ri nâp nuih n'hâm! Lơi ta klach, lơi ta krit kir tanăp măt hađăch Asiri jêh ri mpôl phung tahan âk râk tĭng păng, yorlah Nơm gŭ ndrel he dơi lơn đah nơm gŭ ndrel păng;

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Ndrom Samƀŭt bơh Yôp 37:22

Tă mpeh pa lơ luh du nau chrêk nâm bu mah; Brah Ndu văch đah nau rnam klach krit dŭt n'hâm!

Nau Mprơ Ơm 143:5

Gâp kah gĭt tay ma lĕ nar rnôk kăl e, Gâp gŭ mĭn ma lĕ rngôch kan May ƀư Jêh ri gŭ mĭn ma kan ti May.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 65:5

Ơ Brah Ndu jêng Nơm tâm rklaih hên, May mplơ̆ lah ma hên ma lĕ nau sŏng srăng, khư ma nau klach. May jêng nau kâp gân ma phung nglĕ dŭt rplay neh Phung gŭ ngai tâm dak mƀŭt tâm ban lĕ.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Nau Mprơ Ơm 66:5

Văch hom n'gơr uănh nau kan Brah Ndu: Nau kan Păng ƀư ma kon bunuyh jêng khư klach ngăn.

Nau Ngluh Êjipt 14:14

Brah Yêhôva mra tâm lơh an ma khân may, bi khân may ăn gŭ rklăk.”

Nau Ngluh Êjipt 14:25

Brah Ndu doh jâng ndeh seh khân păng, ƀư ăn khân păng ƀĭt ndeh seh hŏt rgănh. Phung Êjipt tâm lah ndrăng khân păng nơm. “Ăn he nchuăt bơh phung Israel, yorlah Brah Yêhôva tâm tang an ma ƀon lan nây tâm lơh đah phung Êjipt.”

Nơm Nti 12:1

Tâm năm mom ndăm, Kah gĭt hom ma Nơm Rhăk Njêng may, Êlor ma lĕ nar mhĭk văch tât; Êlor ma lĕ năm khay dăch tât May ngơi pô aơ: “Nuih n'hâm gâp mâu saơ nau maak ôh;”

Daniel 11:32

Păng sŏk nau ngơi njŭng dak sŭt ndơm phung rlau nau tâm rnglăp; ƀiălah phung gĭt năl Brah Ndu mra ƀư ngăn yơh tâm rdâng.

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Nau Vay Nkah Tay 1:21

Aơ Yêhôva Brah Ndu ăn jêh n'gor nây ma khân may. Hăn hao hom, sŏk dơn hom drăp ndơn, tĭng nâm Yêhôva Brah Ndu phung chô yau khân may hŏ lah jêh ma khân may. Lơi klach mâu lah rdja nuih n'hâm ôh.’

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Phung Kôranh Phat Dôih 3:27

Tơlah păng tât, păng uh nŭng lam tâm n'gor klơ dor yôk Êphraim. Phung ƀon lan Israel ndrel păng hăn trŭnh tă bơh klơ yôk jêh ri păng chiă uănh khân păng.