Nêhêmi 4:10 - Nau Brah Ndu Ngơi 2023

¹⁰ Ƀiălah phung Yuđa lah: “Hôm e âk ndơ djah, jêh ri phung tung ndơ jâk lĕ ra-ai jêh; hên mâu dơi pah kan ƀư mpêr ƀon ôh.”

Nêhêmi 4:10 Iomraidhean Croise

II Nau Rêh Jêng 2:18

Tâm phung nây, păng jao kan geh pơh rmưn nuyh tung ndơ jâk, pham rmưn nuyh châm trah lŭ klơ yôk, jêh ri pe rbăn prao rhiăng nuyh jêng kôranh uănh kan gay ntĭm phung ƀon lan pah kan.

II Nau Rêh Jêng 34:13

Khân păng uănh đŏng phung tung mbăk jêh ri chiă uănh đơ phung pah kan ƀư ăp nau kan. Tâm phung Lêvi, geh phung jêng kôranh nchih samƀŭt, phung kôranh jêh ri phung chiă uănh mpông pêr.

Nêhêmi 4:11

Phung rlăng hên lah pô aơ: “Khân păng mâu mra gĭt ôh mâu saơ nau nây, kŏ tât he hŏ tât jêh ta nklang khân păng, nkhĭt lơi khân păng, jêh ri ƀư ăn khân păng rlu lơi nau kan khân păng.”

Nêhêmi 4:2

Păng lah tanăp phung oh nâu păng jêh ri phung tahan n'gor Samari pô aơ: “Lĕ rngôch phung Yuđa lĕ ra-ai nây moh ndơ ƀư? Khân păng mra ndâk đŏng mpêr ƀon? Khân păng mra nhhơr ndơ ƀư brah mâu? Tâm du nar mâm khân păng mra ƀư dơi jêh lĕ? Lŭ lĕ ŭnh sa jêh, khân păng hŏ bun mbŭch jêng neh muy, jêh nây sŏk păng jêng lŭ tay dơi lĕ?”

Nêhêmi 4:9

Bi hên gŭ mbơh sơm ma Brah Ndu hên jêh ri dơm bunuyh gak nar jêh ri măng njrăng gay tâm rdâng đah khân păng.

Êsêkiêl 29:18

“Hơi kon bunuyh, Nêbukatnetsar, hađăch Babilôn, hŏ ăn phung tahan păng pah kan hŏt rgănh gay tâm rdâng đah ƀon Tyre; ăp bôk bu poih plưn da dê, ăp săng nglik lĕ rplưch da dê. Ƀiălah, hađăch nây jêh ri phung tahan mâu lĕ geh drăp ndơ tă bơh Tyre gay nkhôm nau hŏt rơah hŏ lơh jêh ƀon nây.

Ndrom Samƀŭt bơh Agê 1:2

Brah Yêhôva ma phung tahan lah: “Phung ƀon lan lah pô aơ: ‘Ê hŏ tât ôh mông ndâk tay ngih Brah Yêhôva.’”

Nau Kơp Bunuyh 13:31

Ƀiălah khân may hăn ndrel ma Y-Kalep jêh ri lah: “He mâu dơi hăn hao tâm lơh ôh ma phung ƀon lan nây, yorlah khân păng jêng ktang lơn ma he.”

Nau Kơp Bunuyh 32:9

Yorlah phung chô yau khân may hăn hao tât ta rlŭng Êskôl gay saơ n'gor, khân păng hŏ ƀư rdja nuih phung ƀon lan Israel mâu ŭch lăp tâm n'gor Brah Yêhôva ăn jêh ma khân păng.